Arrestohet zëdhënësi i Vëllezërve Myslimanë në Egjipt
Në Egjipt është arrestuar Xhahad Hadad zëdhënësi i lëvizjes Vëllezërit Myslimanë së bashku me Hesam Abubekr, ish prefekt i zonës Kaliubie.
Agjencia Ndërkombëtare Kur'anore e Lajmeve (IKNA) duke cituar rrjetin informative "Al-Ahram" njofton se dy personat në fjalë janë arrestuar nga forcat egjiptiane të sigurimit në një apartament në Kajro kryeqytet i Egjiptit. Sipas këtij burimi Xhahad Hadad ishte fshehur që prej nisjes së valës së arrestimeve të krerëve dhe liderëve të lëvizjes Vëllezërit Myslimanë në Egjipt dhe aktivitetet e tij i ushtronte vetëm nëpërmjet rrjeteve sociale. njëkohësisht me të janë arrestuar Hesam Abubekr ish prefekti i Kaliubiesë dhe disa prej anëtarëve të lëvizjes Vëllezërit Myslimanë në qytezën Nasr të Kajros. Pas rrëzimit të Muhamed Morsi me anë të grushtit të shtetit të ushtrisë egjiptiane dhe pas shtypjes së përgjakshme të protestave dhe tubimeve të organizuar nga lëvizja Vëllezërit Myslimanë në të gjithë Egjipti, deri tani janë arrestuar 2 mijë anëtarë të kësaj lëvizjeje të cilët presin të dalin përpara drejtësisë. 1289940
