Table ronde jaŋnginooɓe gannde lisilaamiyaŋkooje e siira nelaaɗo (s a w) to Maroc
mooɓoondiral ngadaniingal jaŋnginooɓe gannde lisilaamiyaŋkooje e siira nelaaɗo (s a w) fuɗɗiima gila hanki 28 septembre 2013 to Rabat wuro laamorgo leydi Maroc.
Cimtol jaaynde qur’aaniyaŋkoore international (iqna) egginiɗum ko e aayaawo habrirde (aujourdhui), mooɓoondiral ngadaniingal jaŋnginooɓe gannde lisilaamiyaŋkooje e siira nelaaɗo (s a w) fuɗɗiima gila hanki 28 septembre 2013 e dow himme jaagorgal kalfinaaɗo kala ko faati e waqfuuji (dokke) e fiyakuuji lisilaam e dow taweede heen fedde Daarul hadiis e komision national jaŋnginirɗe toowɗe Maroc ko hande 29 septembre 2013 jogorii gasoyde.
Tawanooɓe e ngal ɗoon mooɓoondiral ɓee e dow joofaade wonde laawol no jaŋnginirtee e jamaanu gonaaɗo oo e nder Maroc ina sowli yuurniteede, ina hatonjini saŋtineede, no gannde lisilaamiyaŋkooje ngonaa e jaŋnginireede e ekolaaji e uniwersitee ji hee nii, ɓe teeŋtinii wonde wadde porogaraamji kesi e dow ɓaaraade e fannuuji kesi.
(Al Arabii buusulhaam) pewjintooɗo komisiyon national jaŋnde toownde Maroc oo, e nder yeewtere o yeewti e ngal ɗoon mooɓoondiral, o titiima wonde: e dow ko fawii e huutorde fannuuji kesi e nder dingiral dursitte lisilaamiyaŋkooje, ina fotaa kadi dareede fii yajinde gannde e nder ngal ɗoon bangal.
ɓe teeŋtinii kadi wonde njaadi e jeewte nelaaɗo ina foti nandola kala juulɗo.ɓe njuurnitiima kadi laabi fii hirjinde renndo ngoo faade e gannde lisilaam, e ɓamtude jaŋnde e nder Maroc e huutorde e experience ji leyɗe lisilaamiyaŋkooje goɗɗe. 1295221
