Luural pelle lisilaamiyaŋkooje senegaal addii caɗeele e nder ngendiyaŋkooɓe juulɓe hee
e dow wonde ko balɗe seeɗe keddii ɗoo e juulde layaaji yettaade, pelle lisilaamiyaŋkooje dakaar luuri e ñalaande iidi layaaji hee.
Cimtol jaaynde qur’aaniyaŋkoore international (iqna) egginiɗum ko e aayaawo habrirde (saphir news), leyɗe keewɗe lisilaamiyaŋkooje hay ɗeen leyɗe ɗe ngonaa lisilaamiyaŋkooje wano Faraysi, gila yontere ɗoo e ko juulde layaaji yenata koo ɓe tintinii ñalaande juuleteende hinnde ngendiyaŋkooɓe senegaal ɓee kawrii e caɗeele e dow waasde hawrude pelle lisilaamiyaŋkooje ɗee fii toɗaade ñalaande wonoore juulde ndee haa teeŋti e juulde suumayee e juulde layyaaji.
Njuɓɓudu dental juulɓe dakaar ndii e dow tintinoore ɓe njaŋtii, ko talaata 15 octobre jogorii wonoyde ñalaande iidi taaske e dow wonde commission lunér oo e dow tuugnaade e jiiɗe seedeeji, kollirii wonde ko e alarba 16 octobre jogorii wonoyde juulde ko ɗuum waɗi ngendiyaŋkooɓe juulɓe ɓee kawrii e caɗeele.
E juulde suumayee hikka hee kadi wano ngal ɗoon luural waɗiino hakunde pelle lisilaamiyaŋkooje ɗee to senegaal haa ɗuum saabi juulaa juulɗeele ɗiɗi.
Maroc e Muritani hikka ko e alarba 16 octobre ɓe tintini woni juulde, e nder duuɓi ɓennuɗi ɗee leyɗe ɗiɗi kadi ko luuratno tan e ko faati e juulɗe, e nder ɗii duuɓi ɗiɗi ɓennuɗi ɓe kaaltidii no feewi e dow ko faati ñalaaɗe juulteeɗe e nder maɓɓe.1301753
