موحدی کرمانی د ایران د مرکچی پلاوی په هوښیارئ ټینګار وکړ

سیاسی او اجتماعی ډله: د تهران د جمعې لمانځه خطیب آیت الله محمد علی مؤحدی کرمانی نن په خپله خطبه کې په جنیوا کې د ایران او پنځه جمع یو ډلې د خبرو اترو دوام ته په اشارې سره زیاته کړه مرکچی پلاوی باید په خپلو خبرو اترو کې د اسلامی انقلاب ارزښتنو او د اسلامی ایران عزت او درناوی ته اولیت ورکړی.

ښاغلی آیت الله مؤحدی کرمانی په دې بیان سره چې د ایران ملت په خبرو اترو کې د بشپړونوالی غوښتنه کوی، وویل د ایران مرکچی پلاوی باید د مقابل اړخ د زیاتی غوښتی په وړاندې هوشیارانه عمل وکړی.

ښاغلی آیت الله کرمانی هم دا راز د سورېې په اړه د جینیوا په کنفرانس کې د ایران له شتون سره د امریکا اختلاف ته په اشارې سره وویل د ایران په څیر د لویو او اغیزمنو هیوادونو له شان سره نه جوړیږی چې په دې کنفرانس کې په څنډه کې پاتې شی.

د تهران د جمعې لمانځه خطیب هم دا راز په عراق او سوریه کې د تکفیری ډلو د فعالیتونو ډیریدا ته په اشارې سره وویل د اسلامی نړۍ روحانیون  علماء او ټول آزادی غواړی انسانان دا دنده لری چې د دې جنایت کارانو اصلی څیره نړۍ ته ښکاره کړی.

ښاغلی آیت الله مؤحدی کرمانی زیاته کړه په عربی هیوادونو کې د شیعه یانو وژل کیدل د دې هیوادونو د حاکمانو د نا وړه تبلیغاتو پایله ده او دا هم د تکفیریانو یو بل جنایت دی

د تهران د جمعې لمانځه خطیب د سورېې د فوځ بریالیتوبونو ته او د عراق له فوځ سره د قبایلو ملګرتیا ته په اشارې سره هیله څرګنده کړه چې د عراق او سورېې د ملتونو په هڅو به یې هیوادونو کې آرامی راشی.

1352882