د اسلامی وحدت نړیوال کنفرانس پرون پیل شو
نړیواله ډله: د اسلامی وحدت دری ورځنی اوویشتم نړیوال کنفرانس پرون د نړۍ د ۵۰ هیوادونو د عالمانو او پوهانو او روڼ اندو په شتون سره په تهران کښې پیل او سبا به پای ته ورسیږی.
د قران نړیوال خبری اژانس ایکنا د یو راپور پراساس، په دغه دری ورځنې نړیوال کنفرانس کښې دمالزیا ، روسیه ، یونان،عراق ، لبنان ، عربستان ، تایلینډ ، الجزایر ، انگلستان ، آمریکا ، استرالیا، اوګانادا، تونس ، هالینډ،قطر او مصر نظر خاوندان او پوهان برخه لری اود اسلامی وحدت او قرآنی اړتیاؤ، اسلامی وحدت او د قرآن کریم د چورلیز،ستونزې او خنډونه او د قرآن کریم له نظره د اسلامی ټولنو اوسنی وضعیت څیړل کیږی .
د اسلامی وحدت او ورورګلوۍ د بستر په توګه په قرآن د عمل اړتیا، د قرآنکریم په تعالیمو کښې وحدت پال چلندونه،تفسیری رودې او د اسلامی امت په وحدت کښې د هغو رول، د فلسطین مسئله او په اسلامی امت په ژوند کښې یې رول، د مسلمانانو د تفکیر او وینو،مال او ناموس د روا بللو په اړه د قرآن کریم دریځ ، نور هغه موضوعات دی چې په دې کنفرانس کښې څیړل کیږی .
