خاتمی: په درست ایران کې د سباؤن لسیزې مراسم دې په پرتم سره ولمانځل شی
د قران نړیوال خبری اژانس ایکنا د یو راپور یر اساس، هغه د دې خبرې په کولو سره چې د ایران د اسلامی انقلاب د بری پراخ جشن لمانځل باید ولسی شی، د اسلامی انقلاب او هم دا راز د سپیڅلی دفاع د پړاؤ د شهیدانو د لارې پر دوام ئې ټینګار وکړ.
د تهران د جمعې لمانځه خطیب د ایران د ملت ۳۵کله سرلوړی او عزت د مقاومت او دریدا پامته داره وباله او زیاته ئې کړه :مړه دې وی امریکا شعار: د ایران د ملت لپاره عزت او عظمت ډالۍ کړ.
آیت ا... احمد خاتمی هم دا راز د ایران په ضد د امریکا د ولسمشر باراک اوباما او خارجه وزیر جان کری پشمول د امریکا د پوځی چارواکو ګواښونو او دړکو ته په اشارې سره ټینګار وکړ دغه ګواښونه نور هیڅ ارزښت نه لری او د ایران ملت به ورته د مقاومت په فرهنګ سره غاښ ماتونکی او په هماغه سویه ځواب ورکړی هغه د دې خبرې په کولو سره چې د اسلامی انقلاب معظم لارښود په ځلونو فرمائلی دی : د ایران اسلامی جمهوریت د ایټم بم په جوړولو پسې نه دی ، وویل امریکا په جاپان کې د هیروشیما او ناګاساکی ښارونو په بمبارولو سره په لسګونو زره خلک قتل عام کړی دی.
آیت ا... احمد خاتمی د راتلونکی په اړه د بشری ټولنو اندیښنو ته په اشارې سره وویل د بشری ټولنې راتلونکی خطره امریکا او صهونیسټ رژیم دی.
د تهران د جمعې لمانځه خطیب په امریکا په نیوکو سره چې د لبنان حزب ا... غورځنګ یوه ترهه ګره ډله ګڼی روښآنه کړه د لبنان حزب ا.. غورځنګ ترهه ګره ډله نه ده ، ځکه داسرائیلو د نیواکګر او تیریګر رژیم په مقابل کې د لبنان د خاورې دفاع کوی.
احمدخاتمی هم دا راز د سورئې د بدلونونو په اړه د جینوا دوه کنفرانس ناکامۍ ته په اشارې سره د سورئې د حل لاره په دغه هیواد کې تکفیری او ترهه ګرو ډلو ته د امریکا او د هغوی د عربو ارتجاعی متحدانو له خوا د وسلو نه لیږدول وبلل او د بشری حقوقو د نړیوالو ادارو په کړچار او چپتیا په نیوکو سره ئې وویل امریکا د دغه کنفرانس له ترسره کیدا وروسته په سورئې کې د هغو تکفیری او ترهه ګرو ډلو لپاره نوره وسلې او تجهیزات هم ولیږدول، چې د درست بشریت لپاره ستره خطره ده
د تهران د جمعې لمانځه خطیب هم دا راز د مصر او بحرین وروستیو حالاتو ته په اشارې سره هم وویل په مصر کې کودتاچی پوځیان هڅه کوی په دغه هیواد کې د نامبارک د پړاؤ جنایتونه او ساډوبی تکرار کړی او مصر بیا د اسرائیلو په انګڼ بدل کړی او دغه راز د آل خلیفه رژیم له خوا د بحرین د دینی عالمانو دشورا ړنګول هم د بحرین د ملت په ضد د ظلمونو په تکرارولو سره د دغه دیکتاتور رژیم د ژوند وروستی سببونه برابروی.
1368588
