د ايران د قرانی خبری اژانس (ايكنا) د يو راپور پر اساس، د ايران د اسلامی جمهوريت ولسمشر ډاكټر محمود احمدی نژاد پرون په تهران كښې له ايرانه بهر د هستوګنه ايرانيانو په غونډې كښې په ايران د صهيونيسټ رژيم د حملې د احتمال په باره كښې ټينګار وكړ صهيونيسټ رژيم د ايران په معادلاتو كښې كوم ځاې نلری او په داسې مقام كښې نه دی چې وغواړی په ايران حمله وكړی.
ښاغلی احمدی نژاد د استكبار د تاريخی پړاو د پاې ته د رسيدا خبره وكړه او ویې ويل د انسانيت پر اساس نوی پړاو په لاره كښې دی او د انسانانو ترمينځ تعامل بايد د جنګ پراساس نه وی بلكې د اړيكو بنسټ بايد د عشق، محبت او سرشيندنې پراساس وی.
ولسمشر په دې خبرې سره چې زورويونكی قدرتونه د مديريت، اقتصاد، سياست او ترهګرۍ په شمول په ټولو ډګرونو كښې بندون ته رسيدلی دی او د هیڅ مسلې د حل جوګه نه دی زياته كړه كله چې يو سياسی نظام خپله جاذبه له لاسه وركوی او وسلو ته مخه كوی نو پړاو یې ختم شوی دی.
ډاكټر محمود احمدی نژاد په دې خبرې سره چې د امپراتورۍ پړاو پاې ته رسيدلی دی وويل بايد ټول ملتونه او حكومتونه په عادلانه ډول او په احترام سره د نړۍ په مديريت كښې فعال ګډون ولری.
د ايران ولسمشرهمدا راز په دې خبرې سره چې د ايران له اسلامی جمهوريت سره د سترو قدرتونو دښمنۍ د دنيا د مديريت د څرنګوالی په سر ده وويل د ايران ملت او د سيمې نور ملتونه هیڅ كله اجازه نه وركوی استعمار په نويو ادبياتو سره دوباره د مينځنی ختیځ په سيمې سلطه وكړی.
د ايران د اسلامی جمهوريت ولسمشر ډاكټر محمود احمدی نژاد د دنيا د اوسنی مديريت په رودې نيوكې سره ټينګار وكړ د ايران اسلامی جمهوريت له يو اړخيزه، ظالمانه او له داسې مديريت سره چې د انسانانو په سپكاوی ولاړ وی مخالف دی.
د ايران ولسمشر د خپلې وينا په يوې بلې برخې كښې په دې خبرې سره چې نن ايران په دنيا كښې د عدالت غوښتنې چورليز دی وويل لويدیځ هيوادونه د ملتونو لپاره د ايران په بيلګه ګرځيدا اندیښمن دی خو د ايران ملت تل حق غوښتونكی وو او دی او ايرانيان د نړۍ په هره سيمه كښې د ايران د لوړوای لپاره يو بيرغ دی.
ډاكټر محمود احمدی نژاد دغه راز د ملګرو ملتونو د امنيت شورا او د اروپای اتحادیې د ايران ضد بايكاټونو ته اشاره وكړه او يو ځل بيا یې ټينګار وكړ بايكاټونه د ايران د ملت د پرمختګ مخه نه نيسی.
هماغه ډول چې د ايران داسلامی جمهوريت مسولانو په ځلونو ويلی دی دښمانان په ايران د بايكاټ په لګولو سره هڅه كوی د ايران د اسلامی جمهوريت د نظام د لوړو هدفونو د تحقق په لاره كښې خنډ رامينځته كړی په داسې حال كښې چې په تجربې سره ثابته شوی ده دغه بايكاټونه نه يوازې خنډ نه دی بلكې د ايران د پرمختګ لپاره زمينه هم برابروی.
د ايران د اسلامی جمهوريت ولسمشر وويل صهيونيسټ رژيم په داسې حالت كښې نه دی چې وكولای شی په ايران حمله وكړی.
625393
