نن د‎ ‎ايران د‎ ‎اسلامی جمهوريت دټينګيدا ورځ ده

سياسی ډله: نن د جمعې ورځ د وری دمياشتې دولسمه او د۲۰۱۱ ميلادی كال داپريل دمياشتې لومړۍ نیټه ده چې په ايران كښې ‏داسلامی جمهوريت ورځ ده .‏

د ايران د قرانی خبری اژانس (ايكنا) د يو راپور پر اساس، دوه ديرش كاله وړاندې په همداسی ورځ په داسې حال كښې چې ‏دباچا رژيم دنسكوريدا او داسلامی انقلاب د برياليتوب كابو دوه مياشتې تيريدلې دايران خلكو په يوې عمومی ټولپوښتنې كښې ‏داسلامی جمهوريت دايران دسياسی نظام په توګه انتخاب كړ .‏
خپلواكۍ ، ازادۍ او اسلامی جمهوريت داسلامی انقلاب دبرياليتوب لپاره دمبارزې په پړاو كښې دايران دخلكو اصلی شعارونه ‏وو او په دغه ټولپوښتنې سره داسلام دمبين دين دقوانينو او تعليمونو پراساس دخلكو درايو پراساس دسياسی نظام دجوړيدا لپاره ‏دايران دخلكوغوښتنه دنړۍ خلكو ته ثابته شوه .‏
دايران داسلامی جمهوريت بنسټګر حضرت امام خمينی ره په ۱۳۵۸ هجری لمريز كال كښې په ايران كښې داسلامی جمهوريت ‏دنظام داعلانو په مناسبت په يوه پيغام كښې وفرمايل په دغه پراخ نظام كښې دملت ټولې پرګنې يو شان او برابرې دی او د الهی ‏عدل رڼا په ټولو خواره ده او دقران مجيد او سنت درحمت باران په ټولو يو شان وریږی .‏
دايران دراډيو او ټيلی ويژن اداره په ايران كښې داسلامی جمهوريت دنظام دټينګيدا دكليزې په مناسبت دنړۍ ټولو ازادی غواړو ‏ته امباركی وای .‏
‏:767460‏