د ايران د قرانی خبری اژانس (ايكنا) د يو راپور پر اساس، چې د ستر لارښود د اثارو د حفظ د موسسې یې نقلوی چې حضرت آيت الله خامنه ای وفرمايل د ليبيا په څير هيواد كې ناټو نه جبرانيدونكې غميزې وپنځولی او كه د امريكا او ناټو پوځی لاسوهنې نه وای نو ممكنه ده خلك يو څه په ځنډ سره بريالی شوی وای ، خو ددې په مقابل كې به د ليبيا بيخ بنایۍ نه ورانيدی ، دومره بې ګناه ښځې او ماشومان به نه وژل كيدل او له دې وروسته به دښمنانو چې كلونه كلونه د قذافی ملګری او ملاتړې ؤ په دغه مظلوم او جنګ ځپلی هيواد كې د لاسوهنې د حق موضوع نه مطرحوله .
د رهبرۍ ستر مقام حضرت آيت الله خامنه ای د سيمې د انقلابونو د خطرونو او زيان موندنو په اړه هم په ډاګه كړه خطرونه بايد وپيژندل شی څو ورسره په مقابله كې شك پيدا نه شی او چاره او علاج یې وپيژندل شی ، مونږ د اسلامی انقلاب له بريالی توبه وروسته له د غو خطرونو سره مخ شولو او تجربه مو كړل .
د اسلامی انقلاب ستر لارښود حضرت آيت الله العظمی سيدعلی خامنه ای وفرمايل استقلال ، خپلواكې ، آزادی ، عدالت غوښتنه ، د استعمار او استبداد په وړاندې نه تسليميدل ، د مذهبی ، قومی او توكميزو توپيرونو نفې كول ، د صهيونيزږ په ډاګه نفې كول د اسلامی هيوادونو د ننيو غورځنګونو ارمان دی او ټولو له قرآن او اسلام څخه سرچينه اخيستی ده .
حضرت آيت الله خامنه ای اسلامی امت ته له قومی ، مذهبی ، توكميزو ، قبيله ای او سرحدی اختلافاتو ډډې كولو سپارښتنه وكړه او د اسلامی مذهبونو تر مينځ یې تفاهم د اسلامی امت د ژغورنې كيلۍ وبلله .
د رهبرۍ ستر مقام حضرت آيت الله خامنه ای ټينګار وكړ د اسلامی ویښتيا خبرې د يو مشهود او محسوس بهرنې حقيقت خبره ده چې ستر انقلابونه او پاڅونونه یې وپنځول او د دښمن د جبهی خطرناكې كړۍ یې نسكوری او له ډګره وشړلی.
862204
