په استانبول کې نندارتون؛ د فرهنګي اړیکو او اسلامي هویت د پیاوړتیا لپاره
د ایکنا د راپور له مخې، چې د «فنانیوز» له خبري سرچینې ئې نقل کړی راغلي دي، د استانبول د ترک او عرب هنرمندانو ټولنې دغه دوه ورځنی نندارتون د «د انځورونو روایتونه» تر سرلیک لاندې د رامي کتابتون په کوربتوب او د ترکیې او عربي هېوادونو د ګڼ شمېر وتلو هنرمندانو په ګډون سره ترسره ش.
د پرانیستې په مراسمو کې د ترکانو او عربو د ګډ تمدني رول، چې د اسلامي تمدن په جوړېدو کې یې درلود، ټینګار وشو او یادونه وشوه چې هنري او فرهنګي نوښتونه د ملتونو ترمنځ د خبرو اترو او متقابل تفاهم د پیاوړتیا لامل ګرځي.
په دې نندارتون کې د ښکلو هنرونو، تجسمي هنرونو او تطبیقي هنرونو بېلابېل اثار نندارې ته وړاندې شوي دي؛ لکه د تېلو رنګ انځورونه، عربي خوشخطی، د مجسمو جوړول، خټين لوخي، معرقکاري او د اسلامي تذهیب هنر. د دغو آثارو له ډلې د ترکي هنرمندې زینب سیهون اثر «د کعبې د دروازې پرده» هم نندارې ته وړاندې شوی، چې نوموړې د تذهیب هنر متخصصه ده.
د دغه نندارتون موخه د هنرمندانو له لیدنو، علمي سیمینارونو، کلتوري پروګرامونو او ماښامنيو غونډو له لارې د ترکیې او عربي نړۍ ترمنځ د فرهنګي اړیکو ټینګښت او د یوه ګډ، نوښتګر هویت پیاوړتیا ده.
دغه نندارتون د زمري تر ۵مې پورې دوام درولد او د ترکیې، تونس، مراکش، مصر، سوریې، عراق، لبنان، یمن، فلسطین، کویټ، سوډان، متحده عربي اماراتو او عمان هنرمندانو پکې برخه درلوده.
د تذهیب هنر د اسلامي دودیزو هنرونو له مهمو څانګو څخه دی، چې د سرو زرو په ښکلي سینګار ولاړ دی او د خطي نسخو او انځورونو ښکلا او هنري ارزښت لا زیاتوي.
https://iqna.ir/fa/news/4366188
