احمدی نژاد: د انسانيت د نجات لپاره تاريخی فرصت برابر شوې دی

سياسی ډله: د اسلامی ايران ولس مشر محمود احمدی نژاد پرون له ۲۳ تنو فعالو مصری ښځو سره په ليدنه كې وويل نن د نړی ښكيلاك ګر په بندون كې قرار لری او د هغوی اصلی څيره د نړی ټولو خلكو ته څرګنده شوې ده او دا د ملتونو لپاره مناسب فرصت دئ تر څو په نړی د عدالت د واكمنولو لپاره ګام واخلی.

د ايران قرانی خبری اژانس (ايكنا) د يو راپور پر اساس، د اسلامی ايران ولس مشر محمود احمدی نژاد وويل كه د منځڼی ختیځ ټول هيوادونه يو بل ته لاس وركړی كولای شی د نړی د سياست او اقتصاد اصلی مركزونه په خپل اختيار كې ولری .
ولس مشر وويل د ايران او مصر ملتونه اوږدې تاريخی ، كلتوری او عقيدوی اړيكې لری خو ښكيلاك ګرد جعلی اختلافونو په رامنځته كولو سره هڅه كوی د دې دواړو هيوادونو تر منځ اړيكې ټينګې نه شی .
ښاغلی احمد ی نژاد هم دا راز وويل تر دوهمې نړيوالې جګړې اروپايانو يو له بل سره جګړې كولې او كه اوس هم د سيمې له شتمنيو د هغوی لاسونه لنډ شی يو ځل بيا به د يو بل ګريوانو ته لاس واچوی .
د هغه په وينا د بشر يت دوښمنانو د دې لپاره په سيمه د جګړې اورونه بل كړی چې په جګړه اخته هيوادونو د ميلياردونو ډالرو په ارزښت وسلې وپلوری او د هغوی جيبونه ډك شی .
مصری فعالو ميرمنو هم په سيمه كې د ايران موقعيت ته په اشارې سره د نړيوال استكبار او صهيونيستی رژيم په مقابله كې د ايران او مصر د نږدې اړيكو د ټينګيدا په اړتيا ټينګار وكړ.
892812