په کربلا کې د محرم د لومړۍ لسیزې د دستورو د ترسره کولو لپاره روغتیائي اقدامات ترسره شوي
ایکنا خبری آژانس د السومریه نیوز له قوله راپور راکړ، د کربلان د روغتيائي ادارې د څارنې دبرخې مدیر جواد العباسي دیوې اعلامیې په خپرولو سره وئيلي دي ، دعاشورا دزیارت لپاره داسې ځانګړي اقدامات شوي دي چې دتیرو کلونو په نسبت سږکال د استثنائي شرائطو او په عراق کې کرونائي بحران په نسبت فرق لري .
د عراق د کربلا ولایت روغتیائي ادارې نن د کربلا سپيڅلي ښار په زیاترو برخو کې د محرم الحرام د لومړنۍ لسیزې د دستورو او ویر او ماتم دترسره کیدا په مناسبت ځانګړي روغتیائي تابیاوې غوره کړي دي .
هغه زیاته کړې ده ، د هغو خوراکي شیانو پر سلامتیا د څارنې لپاره چې په زیارتوالو کې ویشل کیږي ، پنځوس څارونکي ډلې جوړې شوي دي او کار ئې پیل کړی دی او د کربلا ولایت په درستو سیمو کې روغتیائي تدبیرونه غوره او اجرا شوي دي ، همداراز د کربلا ولایت په واریدونکو لارو کې هم روغتیائي ټیمونه دیره شوي دي .
العباسي ټينګار کړی ، هغه تابیاوې او عملیات چې تیره اونۍ د عمومي اخستنې دمرکزونو یا مارکیټونو دکارکونکو د واکسنیشن په باب پیل شوي وو ،هماغه راز دوام لري او له پنځو ورځو هم په کمې مودې کې کابو زر کسان واکسنه شوي دي چې هیله مند یوو ، دغه شمیر لسو زرو تنو ته ورسیږي .
هغه دغه راز ټينګار کړی، ددکانونو،ریستورانونو او هوټلونو هر یو خاوند او چلونکی چې وارمخکې تدبیرونه رعایت نه کړی ، نو په پنځه میلیون عراقي دینار پورې به په نغدو جرمانه شي او کارکسب به ئې تر نوي ورځو پورې وتړل شي .
