د امریکا په ځاي انتخاباتو کې مسلمان کاندیدان هم بریالي شوي
تهران (ایکنا)- د امریکا په ایالتی پارلیمانونو او د ښاروالیو په انتخابتو کې د لومړي ځل لپآره زیات شمیر مسلمان کاندیدان بریالي شوي دي .
ایکنا خبري آژانس د آناتولی له قوله راپور راکړ ،د امریکا په متحده ایالاتو کې زیات شمیر مسلمان کاندیدان د ایالتي پارلیمانونو او د ښار دشوراګانو په انتخاباتو کې بریالي شوي ، چې دا چاره د امریکا د انتخاباتو په تاریخ کې بې مخینه ده .
د تیرې چارشنبې ورځې د انتخاباتو په لومړنیو نتیجو کې د لومړي ځل لپاره یو عرب توکمه امریکائۍ مسلمان کاندید د میشګن ایالت ددیربرن ښاروال په توګه وټاکل شو .
دیرش کلن لبناني توکمه عبدالله حمود چې ډیموکراټيک ګوند کاندید دی،توانیدلی د ډيربرن ښاروال په توګه وټاکل شي او خپل لیبرل یا جمهوری غواړي سیال ۶۷ کلن ګري رونشک ته په لسو امتیازونو سره ماته ورکړي .
په میشګن کې هم یو یمن توکمه ۴۲کلن عامر غالب د همتراک ښاروال ګټونکی شوی او خپل سیال ته ئې چې تر شپاړس کلونو پورې ښاروال ؤ ماته ورکړې ده .
