IQNA

15:55 - January 11, 2022
د خبر لمبر: 3485254
تهران (ایکنا)  - د قطر اميرشیخ تمیم بن حمد آل ثاني  د ايران د اسلامي جمهوريت له خارجه وزير سره په کتنه کښې د دواړو هېوادونو ترمېنځ د تعلقاتو په اهميت او په سيمه ايزو او دوو اړخيزو موضوعګانو کښې د دواړو هېوادونو د ملګرتياو په پراختيا ټينګار وکړ.

ایکناخبری آژنس د پارس ټوډې له قوله راپور راکړد ایران د اسلامی جمهوریت خارجه وزیر حسېن امير عبداللهيان چې د قطر له چارواکو سره د خبرو اترو لپاره له عمانه وروسته دغه هېواد ته لاړ دے نن په دوحه کښې د قطر له امير شېخ تميم بن حمد آل ثاني سره کته او خبرې اترې وکړې.

د ايران خارجه وزير په دغه کتنه کښې د قطر امير ته د ايران د ولسمشر سيد ابراهيم رئيسي د سلام په رسولو سره په مختلفو سياسي، امنيتي، تجارتي او اقتصادي برخو کښې د دواړو هېوادونو د تعلقاتو او د وروستيو بدلونونو په اړه د نظر تبادله وکړه او د اقتصادی معاملو په زمينه کښې د دواړو هېوادونو د تعلقاتو د پراختيا لپاره په موجودو زمينو او ظرفيتونو ټينګاروکړ.

د ايران خارجه وزير همدارنګ له ګاونډيانو سره د تعلقاتو په برخه کښې د ایران د ديارلسم حکومت د پالېسۍ په بيانولو سره په خپلو مېنځو کښې د صلاح مشورو لپاره د دواړو هېوادونو د اعلی سطحې پلاو تبادلې ته اشاره وکړه.

https://parstoday.com/ps/news/iran-i110874

د خبر لمبر:
بريښناليک:
* ستاسو نظر:
* captcha: