د روژې د مبارکې میاشتې د پشلمي یا سحری اداب اوپه ترټولوښوشیبو کې ترټولوغوره دعاګانې

تهران(ایکنا) – د روژې پشلمي د مومنانو لپاره د دعا میعادځای  او دخداوندمتعال په درګاه کې انابت او له آسمانونوڅخه معنوی برکت او روزۍجلبول دي .دغه خاصې شیبې ،د روژې په مبارکې میاشتې کې له دوه چنده اهمیّته  برخمنې دي . ددغو ځانګړنو او اهمیّت په باب  په کنزالمرام نومې کتاب کې ډیرې سپارښتنې شوي دي .

د روایتونو په اساس ،هرڅوک د سحری یا پشلمي په وخت له خوبه ویښ شي ،له دې پرته چې له چا سره خبرې وکړي ،که وضووکړي او دوه رکعته لمونځ وکړي،نو د هغه تر شا دوه صفه فرښتې دریږي او ورپسې د جمې لمونځ ادا کوي. د هغه چا لپاره چې غواړي روژه وساتي مستحب ده چې د پشلمی دخوړولو لباره پاڅي اوخوړه وخوری،که څه هم یوازې یو خرما وي او په روژې مبارکې میاشتې کې پرې ډيرټينګار شوی دی .

د پيغمبراکرم له قوله وئیل شوي دي چې فرمائي ؛د پشلمي په وخت څه شی خوړل د برکت سبب دي .

په یوه بل حدیث کې هم نقل شوي دي ،زما امت دې هیڅکله هم پشلمی له لاسه ورنکړي ،که څه هم د یوه خرما تر خوړلو حده هم وي .  او دغه راز په یوه بل حدیث کې هم د اسلام ګران پيغمبر (ص)فرمائي؛دسحري په وخت خوراک وکړئ  که د ابو یو غوړپ هم ولې نه وي . بیا فرمائي د سحري په خوړولو سره د روژې د ساتلو لپاره ځان پياوړی کړئ او له قیلوله خوب یعني په نیمه ورځ خوب څخه د شپې د ژوندي کولو لپاره استفاده و کړئ.

حضرت امام علی علیه السلام د رسول الله بزرګوار له قوله روایت کړي دي ، چې فرمائی ؛خداوندمنان او فرښتې په هغو کسانو چې د سحري په وخت استغفار کوي ، درود استوي ،نو سحری وخورئ، که څه هم یوازې د اوبو شربت وي .

حضرت امام جعفرصادق علیه السلام فرمائي؛تر ټولو ښه وخت چې پکې خداي تعالی په درګاه کې فریاد کوي ، سحر وختی دی ، لکه څنګه چې  د قرآن کریم د  الذاریات سورې په اتلسم آیت کې  خداي تعالی فرمائي؛ وبالاسحارهم یستغفرون ؛مومنان د سحر په وخت مغفرت وغواړي .

https://iqna.ir/fa/news/3895727/