ابوظهبۍ کښې د اسلامي وحدت د فرصتونو او چیلجونو کانفرنس جوړیږي
ایکنا خبري اژانس د متحده عربي اماراتو د وام خبري اژانس په قول وویل دغه کانفرنس د ابوظهبۍ د ملي نندرتون په مرکز (ADNEC) کښې ترسره کیږي .
د مسلمانو ټولنې د نړیوالې شورا (TWMCC) مشر علي رشید النعیمي په یوې وینا کښې د دغه کانفرنس د ترسره کیدا د خبر په اعلانولو سره وویل د اسلامي وحدت موضوع تل یوه مهمه موضوع ده چې مسلمانو متفکرانو له شلمې (۲۰) پیړۍ څخه په هغې غور کړی دی او په نوي وخت کښې د استعمار ضد غورځنګونو په څرګندیدا سره یې نور پام ځان ته جلب کړی دی .
هغه زیاته کړه اسلامي وحدت مخکښ تمدن رامینځته کړی دی چې د بشریت له پرمختګ سره یې مرسته کړي ده او د اسلامي دنیا ټولنیز او کلتوري وحدت یې رامینځته کړي دی او اسلامي دنیا د علم ، د هنر د ادبیاتو د فلسفې د معمارۍ د نجومو د ریاضیاتو، د طب او د موسیقۍ په ډګرونو کښې ستر ګامونه پورته کړي دي .
دغه نړیوال کانفرنس به د اسلامي وحدت ، مفهوهم ، فرصتونو او چیلنجونو په شعار سره د روانې مي میاشتې په اتمه او نهمه نیټه په ابوظهبۍ کښې وشي .
