IQNA

په حج مراسمو کښې د مسجد النبي د ادارې لخوا نوي خدمات وړاندي کیږي

14:19 - June 11, 2022
د خبر لمبر: 3485872
تهران(ایکنا)-د روان کال د حج د موسم په درشل کښې د مسجد النبي صلی الله علیه واله وسلم مسوولانو

 د خدای کور  او د پیغمبر اکرم حضرت محمد صلی الله علیه واله وسلم د جومات د زیارتوالو د اسانتیا لپاره یوشمیر پروګرامونه په نظر کښې نیولي دي.

په دغو پروګرامونو کښې په پیغمبر اکرم (ص) جومات کښې د یولک پینځه پنځوس زره قران مجیدونو نوي کول او د حاجیانو او د کارکوونکو د ورځنیزو چارو د اسانولو لپاره د یوه اپلیکیشن جوړول شامل دي.

ایکنا خبري اژانس د البلاد سایټ په قول وویل د حج د موسم د پیلیدا په درشل کښې د مسجد النبي چارواکو د قران کریم یولک پنځوس زره نوي نسخې د زړو نسخو ځاې ناستي کړې چې پکښې په دوه پنځوس ژبو باندې ژباړل شوي د قران کریم ۹۳۵۷ نسخې هم پکښې شاملې دي.

دغه راز د مسجد الحرام او د مسجد النبي صلی الله علیه واله وسلم د چارو مسوول عبدالرحمن بن عبدالعزیز السدیس «زمونږ د  حاجیانو خدمت کول زمونږ د کارکوونکو لپاره ویاړ دی» په شعار سره په روان کال کښې د زیارتي کاروانونو د هرکلي پروګرام پیل کړ.

په دغه کمپاین کښې چې د مسجد النبي صلی الله علیه واله وسلم د لمونځ ګزارو او د حاجیانو هرکلی کول پکښې شامل دي  لمونځ ګزارو او حاجیانو ته ډالۍ ورکول کیږي.

السدیس دغه راز د مسجد النبي صلی الله علیه واله وسلم ، تاریخ او د څیرو په نوم د کتابتون مخ کتنه وکړه.

په دې سربیره په مسجد النبي زیارت کولو کښې د اسانتیا په هدف سره د« زائرون«  د اپډیټ شوي اپلیکشین  دوهمې نسخې کار پیل کړ.

دغه اپلیکیشن په ايي او ایس (IOS) سیسټم کښې پینځه ژبې او په اینډرویډ(ANDROID) سیسټم کښې اوه ژبې لري چې د مسجد النبي د لمونځ ګزارو او د زیارتوالو د اسانتیا لپاره دی.

https://iqna.ir/fa/news/4063378

د خبر لمبر:
بريښناليک:
* ستاسو نظر:
* :