د بالکان حوزې د هیوادونو د قرآن ځانګړی سیالیو نهائي مرحله نن ترسره کیږي
ایکنا دالجزیره آنلاین له قوله راپور راکړ، دغه سیالۍ په بوسنیا هرزیګوینیا کې د داسلامی چارود وزارت له نمایندګۍ سره اړنده د عربستان د سفارت ددینی چارو د برخې په همت سره ترسره کیږي.
په بالکان حوزې کې واقع له ۱۴هیوادونو څخه د هلکانو او انجونو په دوو برخو کې ۹۶ کسان په دغو سیالیو کې سره سیالي کوي.
د سیالیو په نهائي مرحلې کې ګډون کونکي ، دمقدماتي مرحلې له سیالیو وروسته چې د ۱۷۶۶قرانی حافظانو په ګډون سره ترسره شوي ،او ټاکل شوې ده ، دټول قرآن کریم د حفظ په څلورو څانګوکې ،یعني د لس سپارو دحفظ ، د پنځو سپارو د حفظ او د دوو سپارو دحفظ په برخو کې سره سیالۍ وکړي.
دغه سیالۍ له قرآن کریم سره د ځوانانو اوزلمیانو د لازیات اونس و بلدتیا، د وحي د کلام د مینه والو نسلي تربیت او دغه راز د ځوان نسل د دیني،علمي او اخلاقي اړخونو د پیاوتیا او همداراز د اسلامی هویّت د ساتلو لپاره د قرآن کریم د حفظ اود دیني علومو زده کولو ته د ځوانانو دهڅولو په موخې سره ترسره کیږي.
د بالکان ټاپو وزمې مسلمانان په وروستیو څو لسیزو کې د واکمنو حکومتونو له خوا د خپل دیني هویّت له کلونو کلونو ځپلو وروسته یوځل بیا دغه اصلي هویّت ته په پراخه بڼه توجه کړې او ددې هویّت د احیاء لپاره ئې ډيرې هلې ځلې کړي دي . د اسلامی علومو د زده کولو او د تاریخی دیني هویّت د اساس څخه د خبریدا ترڅنګ د قرآن کریم زده کول او د وحی د کلام حفظ کول ددغو هلوځلو یوه مهمه برخه ده .
باید ووئيل شي چې بالکان چې بالکان ټاپو وزمه هم ورته وئيل کیږي، د اروپا دجنوب تر ټولو لویه او ختیّځه ټاپو وزمه ده . بالکان معمولا د البانیا، بوسني هرزیګوینیا ،بلغارستان ،کرویشیا،کوزوو،مونټه نګرو ،شمالی مقدونیه، رومانیه، صربستان اواسلوینیا له هیوادونو جوړه ده چې ددغو هیوادونو ټوله یا ځيني برخې په دغې ټاپو وزمې کې واقع شوي دي.
