د ملګروملتو عمومی اسمبلۍ د فلسطین بشپړ غړیتوب ته مثبته رایه ورکړه
ایکنانیوز د الجزیره انټرنیټي سایټ له قوله راپور راکړ، دملګروملتو عمومی اسمبلۍ په دغې موسیسې کې د فلسطین بشپړ غړیتوب ته مثبته رایه ورکړه.
په ملګروملتو عمومی اسمبلۍ کې دغه پریکړه لیک په ۱۴۳ مثبتو ، په نهو مخالفو او ۲۵ سپینو رایو سره تصویب شوې ده .
په ملګروملتو کې د فسطین دبشپړ غړیتوب په باب د عر بو هیوادونو ډلې پریکړه لیک د جمعې په ورځد ملګروملتو دعمومی اسمبلۍ په غونډې کې راي اخستو ته وړاندې شو چې پّ ۱۴۳ مثبتو رایو سره تصویب شو چې فلسطین ته ځانګړي حقوق او امتیازونه ورکوي او له امنیت شورا غواړي ، د ملګروملتو د یو سل څلور نویم غړي په توګه دې د فلسطین غوښته په ښه او مثبت ډول وارزوي.
دغه پریکړه لیک به له تصویبیدا وروسته امنیت شورا ته د غړیتوب لپاهر دبیا کتنې غوښتې لپاره ولیږل شي.
عمومی اسمبلۍ په پریکړه لیک کې وئيلي دي، په دغه اورګان کې د فلسطین په بشپړ غړیتوب کې د مثبتې بیا کتنې لپاره امنیت شورا ته ئې سپارښتنې وړاندې کړي دي. دغې ټولنې ټینګار ک ړی دی چې فلسطنیان په ملګروملتو کې د بشپړ غړیتوب شرائط لري. فلسطین او عربو هیوادونو ډلې دغه پریکړه لیک وړاندې کړی ؤ چې د پریکړه لیک دمسودې له تصویبیدا وروسته به په ملګروملتو کې فلسطین ته لازیات حقوق او امتیازونه ورکړل شي.
له بل پلوه د صهیونیست رژيم خارجه وزیر کاتز د ملګروملتو په عمومی اسمبلۍ کې ددغه پریکړه لیک دومره زر تصبیویدا باندې سختې نیوکې کړې او مدعي شوی چې ددغه پریکړه لیک تصویبیدا د فلسطین اسلامی مقاومت غورځنګ حماس ته یوه ډالۍ ده.
فلسطین دمګړئ یو غیر څارونکی غړی دی ،البته اوس کلونه کلونه کیږی چې په دغه نړیوال اورګان کې ئې د بشپړ غړیتوب لپاره هڅه کړې ده . دغه هڅه تیره میاشت هم د ملګروملتو په امنیت شورا کې دا مریکا په وسیله ویټو شوې وه.
