احمد نعینع؛ قرآنی وړتیاوې زمان په ژوند کې ترټولو لوي موهبت دی
ایکنا - د مصر او اسلامی نړۍ یو لوي قاری احم نعینع په یوه ټيلیویژنی پروګرام کې له خپل ماشوموالي څخه د خپلو قرآني حیات چارو ته اشاره کړې او خپلې قرآني وړتیاوې ئې پخپل ژوند کې یو ترټولو لوي الهي موهبت بللی دی.ایکنانیوز د الاهرام له قوله راپور راکوي، د مصر او اسلامی نړۍ دغه لوي قاري احمد نعینع د ؛پراخې او ژورې کرښې؛ په عنوان سره په یوه ټيلیویژني پروګرام کې چې د بریالیو شخصیّتونو ځانګړی پروګرام دی، دخپل ماشوموالي خبره کړې او خپل قرآنی استعدادونه ئې پخپل ژوند کې یو ترټولو لوي الهي موهبت بللی دی.
هغه په دوام کې د خپل شخصي ژوند خبره هم کړې او روښانه ئې کړې ده، زما پلار د مالوچو تاجر ؤ او هم د قرآن کریم حافظ ؤ او ډيره لیوالتیا ئې درلوده څو زه هم قرآن کریم حفظ کړم. قرآن مو په قرآني مکتب خانې کې حفظ کړ او په سکندریه کې مو له شیخه ام سعد څخه د حفظ اجازت واخست او د شیخ امی هلالي په نزد چې یو نابینا او له ډير زیات احترامه برخمن ؤ ودرس ولوست.
دمصر او اسلامی نړۍ ددغه لوي قاري په وینا، د مصر د وخت ولسمشر انور سادات د هغه تلاؤت ډير ستایلی او دغه تلاؤت ئې له شیخ مصطفی اسماعیل سره پرتله کاوه چې پخپلو کې ئې سره ډيرې نزدې اړیکې درلودې .شیخ نعینع همداراز زیاته کړې ده ، چې هغه د انور سادات او دهغه د کورنۍ مخصوص ډاکټر هم پاتې شوی دی.
نعینع همداراز ووئيل، چې هغه د مصر د لوي خطیب ا و مفسر شیخ متولي الشعراوي یو پلوی او د هغه شاګرد دی او الشعراوي دهغه تلاؤت ډير خوښوه او تل ئې وئيل چې نعینع مونږ د بدن له درملنې ، د روح او زړه درملنې ته کاږي.
ایکنانیوز په دوام کې د استاد احمد نعینع د مجلس یوه ویډیوئي بڼه ستاسو خدمت ته وړاندې کوي.
