په بالکان کې د قرآن کریم د حفظ د کړیو ترسره کیدا
ایکنانیوز د الجریده له قوله راپور راکړ،د کویت تراث خیریه ټولنې د په سم تلاؤت او لهجې سره دقرآن کریم د زده کړې او سم کړچار سره د مسلمانو ماشومانو د روزنې لپاره په بالکان هیوادونو کې د قرآن کریم د حفظ د ټولنو دم لاتړ لپاره دیوه پلان د پیلولو خبر ورکړ.
دغې ټولنې په یوې اعلامیې کې وئیلي دي چې دغه پلان د تراث دخیریه پروګرامونو یوه برخه ده او هر کس لږترلږه لس کویتی دینار له دغه پلان سره مرسته کولی شي.
په دغې اعلامیې کې همداراز روښانه شوې ده چې د تراث ټولنې هڅې په تیره بیا د قرآن کریم د حفظ د مرکزونو،د جوماتونو او اسلامی پروژو د جوړولو مدیریّت ، له هماغه تاسیس څخه رانیولې تر وروستیو پورې،د کویت په داخل او بهرن کې د قرآن کریم د زده کړې د پوهنځیو، د الهی کتاب د خدمت او د مرکزونو ،ټولنو، موسیسو ، بنیادونو د ملاتړ لپاره دي.
د کویت تراث ټولنې همداراز په مختلفو ژبو د قرآن کریم د ترجمې او د هغه د څه دپاسه یو میلیون نسخو چاپولو او همدراراز د قرآني حوزو دکتابونو او تفسیرونو ترجمې او دنسخو چاپیدا د دغې ټولنې د نورو فعالیتونو برخو په توګه وبللې.
د تراث ټولنه د کویت ترټولو مهمه خیریه موسیسه او په اسلامی نړۍ کې یوه ترټولو مهمه خیریه ټولنه ده چې د خپلې هڅې زیاتره برخه ئې د اسلامی میراث په تیره بیا د قرآني فعالیتونو په حوزې کې احیاء او دودولو ته بیله کړې ده .
