په سوماترا کې د کعبې په شکل جومات جوړشول

ایکنا – د انډونیشیا د سوماترا په لویدیځ کې په واقع آګام سیمې کې د خانه کعبې په شکل یوځانګړی جومات جوړ او پرانیستل شوی دی.

ایکنانیوز د صدای انډونزي له قوله راپور راکړ، په انډونیشیا کې دغه ځانګړی او په زړه پورې جومات د خانه کعبې په شکل جوړ شوی او د سیمې د والی له خوا د د سوماترا په لویدیخ کې په آګام سیمې کې  افتتاح شو.

دغه جومات د استاد بنی وارلیس ټولنې د مشر په وسیله او په یوهیکټر پراخې مځکې کې جو ړ شوی او دکعبې په شان په تورې پرَدې سره پوښل شوی دی چې پر هغې د قرآن آیتونه لیکل شوي دی.

ددغه جومات ودانۍ په مکعب شکل سره او په  ۱۵ در ۱۵  اړخونو سره په ۱۴میټره  ارتفاع  سره  دی او د اړخونو له نظره  د کعبې له اړخونو لا لوی دی.

بنی وارلیس په یولړڅرګندونو کې ټينګار کړی دی، ددغه جومات د جوړولو موخه د یوه دیني ،تعلیمي مرکز رامینځة کول او په عین حال کې یوه سپورټي سرګرمي ده. د هغه په وینا دغه مکان به یوازې د عبادت لپاره نه وي، بلکې د زده کړې ،ادابو، دودو او دستور زده کولو او د قرآن کریم دینی تعلیماتو د زده کولو  او حتی د تفریح او ورزش لپاره یو ځای دی.

په عین حال کې د لویدیځي سوماترا والی مهیلدي انشار الله هم په یولړ څرګندونو کې ووئيل،په پخوا دوراان کې زده کړې او نور کلتوری او اقتصادی فعالیتونه په جومات کې ترسره کیدل او دا چاره په لویدیځي سوماترا کې یو دودو ؤ او په دغې سیمې کې پخپلې خاصې مخینې سره ئې د اسلام ښودنه ده چې  د خلکو له  دعام ژوند له ټولو اړخونو سره غوټه خوړلې ده.

هغه همدناراز ددغې سیمې د ځوان نسل په اوسنیو شرائطو په تیره بیا د نشه ایزو موادو پشمول د مختلفو انحرافاتو په دودیدا باندې په اندیښنې ښودلو سره هیله وښودله چې ددغه اسلامی مرکز او جومات جوړیدا ددغو انحرافاتو سره د مبارزې او همدرااز ددیني،اجتماعي او اقتصادي مثبتو فعالیتونو زمینه جوړونکې شي.

https://iqna.ir/fa/news/4231391