قاری او نعت خوان طه الفشني، چې د قرآن په خدمت کې ؤ
ایکنانیوز د صدی البلد انټرنیټي سایټ له قوله راپور راکړی، د ۲۰۲۴ کال د دسمبر شلمه نیټه د مصر او د اسلامی نړۍ د یوه غوره او ځوان قاري او نعت خوان اودیني نغمو وئيونکی شیخ طه الفشني د رحلت درې پنځوسمه کلیزه ده چې په درنښت سره ولمانخل شوه.
شیخ طه حسن مرسی الفشني په ۱۹۰۰ کال کې د مصر پهبنی سویف ولایت کې په الفشن مرکز کې زیږیدلی ؤ. هغه له ماشوموالي څخه د قرآن کریم حفظ ته مخه کړه او وروسته د قرائت او نعت او سرود وئيلو په زمینې کې یو ترټولو لوي شخصیّت شو او د اسلامی هنر په حافظې کې ئې له ځانه نه هیریدونکي آثار پریښودلي دي.
د شیخ الفشني وړتیاوې په ښونځي کې د زده کړې په پړاؤ کې رابرسیره شوې،هغه مهال چې د ښونځي مدیر د هغه د غږ په جذابیّت پوهه شو او همدغه چاره لامل شوه څو هره ورځ په سهارنۍ دعا کې د قرآن تلاؤت ئې هغه ته وسپار.شیخ طه د قرآئت په علومو کې د زده کړې لپاره الازهر ته لاړ او د قرائت په علومو کې ئې له شیخ عبدالحمید السحار څخه مدرک ترلاسه کړ څو د تجوید د تخنیکنونو او ددین علوم په یوځای زده کړئ شي.
د مصر ریډیو د شیخ الفشني په کارنامې کې د بدلانه لوي پیچومی ؤ؛ په ۱۹۳۷کال کې د مصر د ریډیو مشر سعید پاشا لطفي په یولړ دستورو کې چې په الحسین کوڅې کې ترسره شوې وې، د الفشني له غږه اغیزمن شو او دهغه د لومړۍ درجې د یوه قاري په توګه ئې تائيد کړ. له هغه مهاله شیخ طه الفشني د ریډیو له لارې چې د قرآن تلاؤت پيل کړ چې لامل شو ، د هغه غږ د مصر په ټولو کورونو کې واوریدل شي.
د شیخ الفشني دژوند ترټولو غوره مرحله ، دملک فاروق په حضور کې په سلطنتي ماڼۍ کې د قرآن کریم د تلاؤت لپاره دهغه دعوت کول وو.
شیخ تر نهو کلونو پورې د عابدین او رأس الطین ماڼیو کې تلاؤت وکړ او پاچا د رمضان میاشتې په شپو کې په لیوالتیا سره دهغه تلاؤت اورید. جمال عبدالناصر هم پخپل لاس لیک سره هغه ته یو میډال ورکړ؛ دغه اقدام یوداسې احترا م ؤ چې دمصر د رهبر له خوا د هغه د مقام قدرونه او ستاینې ئې نندارې ته وړاندې کړه .
شیخ طه الفشني د ۱۹۷۱کال ددسمبر په لسمه نیټه په یو اویایم کال کې او د قرآن او عترت دخدمت په لاره کې له یوه عمر تنیرولو وروسته ئې له نړۍ سترګې پټې کړې. د هغه پهمینهوالو او لیوالو کې تر نن پورې د هغه نامه ځاي لري او دهغه ژوند لیک د راتلونکو نسلونو لپاره د الهام سرچینه ده .
طه الفشني یوازې یو قاری او مذهبی مداح نه ؤ ،بلکې داسې معنوي او هنری سمبول دی چې چې تل پاتې اغیزې ئې د اسلامی امت پر وجدان پریښودلي دي .
په دوام کې د خداي بخښلي شیخ طه الفشني په زړه پورې غږ سره په ؛ حب الحسین؛ عنوان سره ، یوه په زړه پورې نعت اومداحي ستاسو خدمت ته وړاندې کیږي ، په دې هیله چې د استفادې وړ مووګرځي.
https://iqna.ir/fa/news/4253492
