په نیویارک کې د سلمان رشدي باندې ګوزار کونکي محاکمه پیل شوه
لبنان توکمه امریکائي ښاریز هادی مطر چې د سلمان رشدي د قتل لپاره په هڅې تورن دی ،دسلواغې په ۲۲ نیټه په نیویارک ایالت کې د شوتاکوا ښار په یوې سیمه ایزې محکمې کې حاضر شو.
دا محاکمه پر هغې محاکمې سربیره ده چې وروسته به په فیډرل عدالت کې او د هادي مطر په ترهه ګرو تورونو سره ترسره شي.
د شوتا کوا عدالت د غونډې په پیل کې د عدالت مشر قاضي ډیویډ فولي ووئيل چې ددغې غونډې دځنډولو لپاره د هادی مطر د وکیل ناتانیل بارون غوښته رد شوې او د بارون په ځاي چې اوس په روغتون کې بستري دی ، د هغه سلاکار لومړنۍ دفاع وړاندې کولی شي.
هادی مطر چې ۲۷کلن دی ، خپله بې ګناهي اعلان کړې ده او د دوشنبې په ورځې دوه ځله ئې د کیمرو په وړاندې د ؛فلسطین آزاد کړئ ، چغې پورته کړې.
هغه تورن دی چې د ۱۴۰۱ کال په مرداد میاشت کې ئې د شوتاکوا په نامې سره په یوه ښار کې په تعلیمي اورګان شوتاکوا موسیسې کې د سلمان رشدي د وینا په پیل کې پر هغه حمله وکړه او د چاقو په څو ګوزارونو سره ئې د هغه د وژلې هڅه وکړه.
سلمان رشدي په دغې حملې کې خپله یوه سترګه له لاسه ورکړه او دهغه یولاس هم له کاره ولوید. د شوتاکوا عدالت غونډې اوس د شاهدانو د شهادت او د څارنوالو دڅرګندونو آوریدو ته مخصوصې دي اوتمه کیږي، چې له اوو تر لسو ورځو پورې به دوام ولري.
ټاکل شوې ده سلمان رشدي هم د شهادت او ګواهئ لپاره ددغه عدالت په یوې غونډې کې حاضر شي، دا به له دوو کلونو وروسته له هادی مطر سره د سلمان رشدي د مخامخ لومړنۍ کتنه وي.
سلمان رشدي په داسې حال کې د امریکا د بیان د آزادۍ جایزه ترلاسه کړې ده چې د شیطاني آیات په نامې سره د هغه کتاب چې مقدساتو ته ئې پکې سپکاوی کړی دی، په درستې نړۍ کې ئې د سلګونومیلیونونو مسلمانانو احساسات داغي کړي دي.
https://iqna.ir/fa/news/4265405
