د شهید حسن نصر الله پر پاکې جنازې لمونځ ادا کړئ شو

ایکنا -د لبنان د بیروت د ؛کمیل شمعون  سټيډیم  او ښارګی نن له سهار راهسې  د مقاومت  دهغه مینه والو او ویرجنو خلکو  ډک ؤ چې د مقاومتي جبهې دمشرانو شهید سید حسن نصر الله او شهید هاشم صفی الدین  د  جنازې په دستورو کې  د ګډون لپاره  له درست لبنان او د نړۍ له مختلفو سیمو  ورغلي وو.

ایکنا نیوز راپور راکوي،  د لبنا ن  دحزب الله غورځنګ د خدای بخښلي  مشر شهید سید حسن نصر الله  او شهید صفی الدین پر پاکو مړو د جنارې په دستورو کې چې  کابو شپږ میاشتې مخکې  د وحشي اوجنایتکار صهیونیسټي رژيم  په   بوږنونکو او وحشي ډوله بمباریو کې شهیدان شوي وو، د ګډون لپاره د بیروت دغه ستر لوبغالي  ته په میلیونونو خلکو ځانونه رسولي څو د  دغو پاکو شهیدانو د جنازې په دستورو کې ګډون وکړي.

د لبنان د ځاي وخت  په اساس، دوه بجې د دوي د جنازې دستورې پيل شوې چې بلاخره  د میلیونونو خلکو په  په زړه پورې او ولولناک شتون کې  ورسره دخدآي په آماني وشوه او  بلاخره دغه  شهیدان  د لبنان د بیروت  په خاورو کې ابدي ژوند ته  وسپارل شول.

د لبنان  د سرچینو  په  اساس ، د نړۍ له څه دپاسه اویاؤ هیوادونو څخه  کابو څلور لکه  مینه والو  د دغو شهیدانو د جنازې په دستورو کې د ګډون لپاره  ځانونه  دلبنان بیروت ته رسولي  دي.

ایکنانیوز ددغو دستورو یو انځوریز راپور برابر کړی  چې ستاسو خدمت ته ئې وړاندې کوي.

 

 

 

 https://iqna.ir/en/news/3491992