آیا د عرب مشرانو ، نارینه توب له مینځه تللی او دین او خپلوۍ ته هیڅ ژمنتیا نه ده پاتې؟
ایکنانیوز د رای الیوم له قوله راپور راکړی، د عمان دپاچائۍ ستر مفتي شیخ احمد بن حمد الخلیلي د ځینو عرب مشرانو د هغې غوښتنې په غبرګون کې، چې د مقاومتي ډلو د بې وسلې کولو غوښتي ئې کړي ،، په ایکس ټولنیز چپنل کې په یوه پوسټ کې ورته وویل: ستاسو نارینه توب چېرته دی؟ د عمان مفتي زیاته کړه: د صهیونیستي رژیم تیري پر غزې تړانګې او د فلسطین پر ټولو نیول شوو ټاټوبو کې دوام لري، پرته له دې چې د روغتونونو یا کوم بل ځای لپاره درناوی او ارزښت ولري. هغه پرهغو عرب مشرانو په نیوکه کې، چې د غزې د مقاومتي ډلو د بې وسلې کولو غوښتنه یې کړې،وویل: یوه عجیبه غلطه خبره دا ده چې د حق خاوندان د نیواکګرو پر وړاندې د خپلو وسلو د تسلیمولو غوښتنه کوي او تر ټولو عجیبه دا ده چې دا غوښتنه د دوی عرب وروڼو لخوا مطرح کیږي! آیا احساسات وچ شوي، نارینه توب له مینځه تللی او دین او خپلوۍ ته هیڅ ژمنتیا نه ده پاتې؟ هغه د اسرائیلو هغه غوښتنې، چې د مینځګړو لخوا تکرار شوي او د فلسطین د مقاومتي ډلو د وسلو اسرائیلي پوځ ته د سپارلو په اړه دي، یو عجیب تناقض وباله او ټینګار یې وکړ چې دا غوښتنې د فلسطین خلک د تیریو او جنایتونو د مخنیوي لپاره له هر ډول اقدام څخه ناتوانه کوي. الخلیلي د عربي هیوادونو له خوا په هغه ملاتړ ،چې د اسرائیلو د غوښتنو ملاتړ کوي، حیرانتیا څرګنده کړه او و یې ویل چې دوی د نیواک د پیاوړتیا، د تیریو او جنایتونو د زیاتولو او د حق د خاوندانو د کمزوري کولو او بې وسه کولو په لټه کې دي. هغه زیاته کړه: د صهیونیستي رژیم تجاوزات پر بې دفاعه مسلمانانو په غزه او د فلسطین پر ټولو اشغال شویو خاورو دوام لري، او دا رژیم حتی د روغتیایي او امدادي مرکزونو او عبادت ځایونو حرمت هم نه ساتي.
د عمان مفتي دا نیوکې د مصر د هغه عجیب وړاندیز په غبرګون کې کړي، چې له حماس غورځنګ څخه یې د غزې د مقاومت د غونډولو غوښتنه کړې وه. حماس غورځنګ مشرانو د مصر د دې خطرناک وړاندیز په غبرګون کې ټینګار کړی چې د مقاومت وسله د دوی سره کرښه ده او په دې اړه به هیڅ مذاکره ونه شي.
https://iqna.ir/fa/news/4276733/
