د سیمې د ولسونو په همت به امریکا له سیمې لاړه شي

ایکنا -  حضرت آیت الله العظمی سید علي خامنه اي د اسلامي حکومت دنده د زده کونکو علمي، تخنیکي، مسلکي او ایماني لوړتیا وبلله.

ایکنانیوز د  پارس ټو ډې له قوله راپور راکړ،د اسلامي انقلاب ستر لارښود پرون د زرګونو معلمانو او فرهنګیانوسره په کتنې کښې له معلم څخه ښایسته څیره او په عامه افکارو کښې ترې په زړه پورې، تاند او محبوب تصویر جوړول ضروري او د مسئولو ادارو هنري او رسندوي کار ته اړمن وبلله.

د پارس ټوډی د رپورټ له مخې، حضرت آیت الله العظمی سید علي خامنه اي د خپلې وینا په پیل کښې د دغې کتنې موخه د معلمانو قدرونه او د معلم د مقام درنښت وباله او په دې ټکي باندې په ټینګار سره چې د ښوونې په برخه کښې هره اندازه لګښت په حقیقت کښې د هیواد د راتلونکي لپاره دی، زیاته کړه: له نیکه مرغه محترم ولسمشر د ښوونې او روزنې برخې ته ځانګړی پام کوي او محترم وزیر هم یو تکړه مدیر او د دې برخې په مسائلو پوه دی.

د اسلامي انقلاب معظم رهبر وفرمایل: د ښو اهدافو او نظرونو ترلاسه کول د هغوی په جدي تعقیب پورې اړه لري، او بیا یې د ښوونکو په اړه یو څو ټکي بیان کړل.

هغوي زیاته کړه: "یو ښوونکی یوازې د درسي کتابونو ښوونکی نه دی، بلکې د هغه اخلاق، چلند، په ټولګي کې حضور، د تدریس کیفیت، او د شخصیت ځانګړتیاوې، لکه عاجزي یا غروراو خوشحالي یا مایوسي، د زده کونکي شخصیت جوړوي اوپه  هغه بانید حتی د هغه د مور او پلار په پرتله ډیره اغیزه کوي. که چیرې یو ښوونکی د دې پوهې سره ټولګي ته راشي نو د خپلو خبرو او کړچار به ځانګړی خیال وساتي.

حضرت آیت الله العظمی خامنه اي د اسلامي حکومت دنده د زده کوونکو علمي، تخنیکي، مسلکي او ایماني لوړتیا وبلله.

دوي د خپلې وینا په وروستۍ برخه کښې سیمې ته په وروستي سفر کښې د امریکې د ولسمشر څرګندونو ته په اشارې سره څرګنده کړه: په دې سفر کښې د امریکې د ولسمشر ځینې خبرې دومره د ټیټې سویې او د هغه د ویونکو او د امریکې د ولس د سرځوړۍ لامل دي چې له سره د ځواب ورکولو قابلې نه دي.

د اسلامي انقلاب معظم رهبر په دې اړه د ټرمپ د څرګندونو برخه چې غواړي له قدرت څخه د صلحې لپاره کار واخلي، دروغ وبلله او زیاته یې کړه: هغه او د امریکې حکومتونو کله له قدرت څخه د صلحې لپاره کار اخیستی دی؟ هغوي قدرت، په غزه کښې د قتلِ عام لپاره او جنګ لپاره او هر چرته چې ممکنه وي له خپلو لاسپوڅو د ملاتړ لپاره یې استعمالوي.

حضرت آیت الله العظمی سید علي خامنه اي له قدرت څخه استفاده د صلحې او امنیت لپاره ممکنه وبلله او ویې ویل: هم دا وجه ده چې د ایران د اسلامي جمهوریت به هره ورځ د ځان او هیواد قدرت زیات شي خو هغوي له قدرته په استفادې سره ۱۰ ټنيز بمونه صهیوني رژیم ته ورکړل چې په غزې او د دغې سیمې او همداشان پّ لبنان او په هر بل ځاې کښې په روغتونونو او کورونو کښې په خلکو او ماشومانو باندې یې غورځوي.

د اسلامی انقلاب ستر لارښود صهیونیسټي رژيم په سیمه کښې د فساد، جنګ او اختلاف لامل وباله او ټینګار یې وکړ: صهیوني رژيم چې یوه خطرناکه او هلاکوونکې سرطاني غده ده، حتماً باید له دې سیمې لرې او جرړه یې وایستې شي.

حضرت آیت الله خامنه اي د ایران د اسلامي جمهوریت اصول او ارزښتي منظومه چې له لوړو ژورو په دې ډکه سیمه کښې د حرکت بنیاد دی،معلوم او روښانه اصول وبلل او زیاته یې کړه: ایران نن سبا له پخوا سره د پرتلې وړ نه دی او د خدای تعالی په توفیق او فضل سره او د دښمنانو د غوښتنې او خوښې اپوټه، ګران ایران پرمختګ کړی او له دې وروسته به هم زمونږ ځوانان وویني چې خپله د دوي په همکارۍ سره به هیواد له دې څو چنده ډیر پرمختګ وکړي.

https://parstoday.ir/ps/news/iran-i160232-