د فرانسې په یوه جومات کې په سپکاوي د مسلمانانو غوسه
ایکنانیوز د مجمعة الاخبار مراکش له قوله راپور راکړی، د فرانسې د اورلئان ښار په یوه جومات کې د لمانځه پر مهال د محراب تر څنګ د شرابو بوتل موندل کېدو د فرانسې د مسلمان اقلیت پراخه غوسه را پارولې. دوي دا سپک عمل لمسؤونکی او د جومات د حرمت سپکاوی بللی دی.
د جومات متولیانو ویلي، دا پېښه هغه مهال رامینځته شوې چې لمونځ کوونکي په لمانځه بوخت وو، او دا ښئي چې د دغه سپک عمل عامل له موقعې څخه په په ناسمې استفادې سره ، له دې پرته چې وویني، د دغه جومات د تقدس سپکاوی ئې کړی دی.
په جومات کې موجودو کسانو د دې قصدي او توهینوونکي عمل په وړاندې حیرانتیا ښودلې او په دې اند دي چې دا عمل له شخصي لمسؤنې ورآخوا دی او د اسلام ضد کړنو د زیاتوالي نښه ده.
دا پېښه د فرانسې په جوماتونو او اسلامي بنسټونو باندې د لفظي او فزیکي بریدونو د زیاتېدو په حال کې، د اسلام ضده موردونو د ودې په فضا کې او د مسلمانانو د دیني ځایونو د کافي خوندیتوب لپاره د پرلهپسې غوښتنو په ترڅ کې رامینځته کیږي.
د اورلئان مسلمانې ټولنې له فرانسوي چارواکو غوښتي چې د عامل د پیژندلو او محاکمه کولو لپاره دې سمدستي پلټنې پیل کړي. دوی همداراز د جوماتونو د خوندیتوب او د ورته سپکاویو او بریدونو د مخنیوي لپاره د امنیتي تدبیرونو د پیاوړتیا او په هغه هېواد کې چې د ازادۍ او مساوات شعار ورکوي، د دیني ځایونو د حرمت ساتنې په لومړیتوب ټینګار کړی دی.
دغې پېښې یو ځل بیا په فرانسه کې د مسلمانانو پر وړاندې موجودې ننګونې، په یوه ټولنیزې تاؤتریخجنې فضا کې چې ځینې دیني او کلتوري ډلې له بریدونو او ټارګټ کیدا سره مخ دي، روښانه کړې. دا موضوع د جدي مداخلت غوښتنه کوي څو فرانسوي چارواکي د ګډ سوله ایز ژوند او دیني ازادیو ته د درناوي ضمانت وکړي.
https://iqna.ir/fa/news/4283703
