په ۲۰۲۵ کال کې د اسلامي نړۍ د کلتوري پلازمینې د سمرقند درنښت،
ایکنانیوز د آناتولي له قوله راپور راکړی،دا پیښه د آیسسکو د کلتوري پلازمینو د پروګرام یوه برخه ده او د ازبکستان په کوربه توب په یوې نړیوالې غونډې سره به پیل شي، چې موضوع ئې «معنوي میراث او د اسلامي نړۍ کلتوري ځلاوې:خوشنویسي، موسیقي، شعر او یووالی دی .
دا غونډه به د لوړ پوړو چارواکو، د آیسسکو د غړو هېوادونو د کلتور وزیرانو او د نړیوالو سازمانونو او بنسټونو د استازو په شتون سره ترسره شي.
په دې مناسبت، د آیسسکو ادارې عمومي مشر «سلیم بن محمد المالک» وویل چې دا جشن به د بېلابېلو او بډایو پروګرامونو، فعالیتونو او نوښتونو ټولګه ولري، چې د آیسسکو او د ازبکستان د اړوندو ملي چارواکو په ملګرتیا تنظیم شوي دي.
هغه زیاته کړه چې دا هڅې د سمرقند د کلتوري پلازمینې د ودې، د هغې د ممتاز کلتوري او تاریخي میراث روښانه کولو او د اسلامي نړۍ په تمدن کې د دغه ښار د چورلیزي رول د بیا تأیید لپاره ترسره کېږي.
المالک ټینګار وکړ چې آیسسکو اداره په بشپړه توګه د دغه جشن د بریالیتوب او د سمرقند د کلتوري مقام په غوره توګه د وړاندې کولو لپاره ژمن دی. هغه یادونه وکړه چې د ازبکستان د کلتور وزارت په ملګرتیا یو جامع پروګرام ترتیب شوی او هیله ئې څرګنده کړه چې د سمرقند جشن به د راتلونکو کلونو لپاره د اسلامي نړۍ د کلتوري پلازمینو لپاره یوه بیلګه شي.
د دغه جشن په پروګرام کې به د مراکش په پلازمینې رباط، کې، د ازبکستان د کلتور اونۍ د اسلامی نړۍ او آیسسکو د کلتوري پلازمینو د پروګرام له ۳۰ کلیزې سره په یو وخت وي . . همدارنګه، د ماوراءالنهر د عالمانو لکه خوارزمي، بیرونی او ابن سینا د اغېزو په اړه نړیوالې غونډې، د میراثي هنرونو، خطي نسخو ، د اسلامي ادبیاتو او معمارۍ په اړه نړیوال فورمونه او د شعر او عکاسۍ سیالۍ به هم ترسره شي.
https://iqna.ir/fa/news/4284813
