د صهیونیستي رژیم له خوا په ابراهیمي جومات کې د اختر د لمانځه مخه نیول شوې
ایکنانیوز د شهاب نیوز له قوله راپور راکړی، د قربانۍ د لوي نیکمرغه اختر د لومړۍ ورځې په جشنونو کې، نیواکګرو صهیونیسټي پوځيانو د ابراهیمي جومات، د هغه تاسیسات ، صحنونه او دروازې د فلسطینیانو لپاره تړلې او دو ي ته ئې د سپارلو مخه ونیوله.
اشغالګرو د روان کال په اووم ځل د جومات ختیځې دروازې د پرانیستلو مخه ونیوله؛ دوي تر دې مخکې د عید الفطر، د قربانئ اختر ، د جمعې ورځو او د قدر په شپې کې هم د جومات د سپارلو مخه نیولې وه.
د الخلیل اوقافو ادارې د خپل دریځ له مخې، چې د جومات د نیمګړي سپارلو سره مخالفت کوي، د جومات نیمګړی سپارل کیدا ئې په زغرده رد کړې ده.
د نیواکګرو د هغو پلانونو په اړه، چې د ابراهیمي جومات یهودي کول او دا د تلمودي کنیسې باندې بدلول دي، خبرداري زیات شوي، چې دا د اسلامي مقدسو ځایونو پر وړاندې د ښارګوټو جوړونې د سسټماټیک پلان برخه ده.
د ابراهیمي جومات د لیدنې، د هغه د اسلامي هویت ساتنې او په ځانګړي توګه د مذهبي مناسبتونو پر مهال د منظم شتون غوښتنه شوې. دا کار د مسلمانانو د عبادت حق پیاوړی کوي او د صهیونیستو له خوا د زور له لارې د کنټرول هڅې کمزورې کوي.
https://iqna.ir/fa/news/4286857
