د صفرې میاشتې اعمال او ذکر:؛یا شدیدالقوی ؛
ایکنانیوز راپور راکوي، صدقه ورکول، د «یا شدیدالقوی» ذکر ویل او د اربعین زيارت ته تګ د دغې میاشتې مهمو مستحب عملونه دي.
عزاداري او د حسینی اربعین ستره او ولولناکه غونډه
له همدااوسه د حضرت امام حسین (ع) عزاداران د مسلمانانو د تر ټولو سترې مذهبي غونډې، یعنې د حسینی اربعین لپاره چمتووالی نیسي.
په همدې لړ کې، پر مستحبي اعمالو عمل کول د ټولو مسلمانانو لپاره، په تیره بیا د حسینی اربعین درستو زیارتوالو ته ئې سپارښتنه شوې ده.
ولې صفر میاشت ځانګړې ده؟
دا میاشت د شهیدانو، په ځانګړي ډول د کربلا د شهیدانو، د یادونې میاشت ده.
د رسول اکرم(ص)بزرګوار رحلت په همدې میاشت کې شوی، چې ورسره د الهي وحی نزول هم ختم شو. حضرت علی (ع) فرمائي:
؛ د رسول الله(ص) له وفات سره داسې څه پرې شوی، چې د بل هېچا له مرګ سره نه وو پرې شوی.
همداراز، د امام حسین (ع) درې کلنه لور، حضرت رقیه (س) د صفرې میاشتې په پنځمه نېټه، د شام په خرابې کې وفات شوه.
د صفرې میاشتې عمومي اعمال!
- د میاشتې په لیدو دعا ویل، مثلاً: درې ځل: اللهاکبر درې ځل: لا اله الا الله بیا ووایې:
«اَلْحَمْدُ لِلّهِ الَّذی أذْهَبَ شَهْرَ کَذا وَ جاءَ به شهرِ کَذا» او غوره دعا د صحیفه سجادیه ۴۳ دعا ده.
- د قرآن تلاوت؛ په تیره بیا د فاتحې (حمد) سورې اووه ځله لوستل یې. درې ورځې روژه نیول: د میاشتې لومړنۍ پنجنشبه ! د میاشتې د مینځنۍ لسیزې چهارشنبه د میاشتې وروستۍ پنځهشنبه د شپې دوه رکعته نفل لمونځ: په هر رکعت کې له حمد وروسته سوره انعام.
د میاشتې په لومړۍ ورځ ځانګړی عمل
- دوه رکعته نفل لمونځ: په لومړۍ رکعت کې: سوره حمد + ۳۰ ځل سوره توحید په دویم رکعت کې: سوره حمد + ۳۰ ځل سوره قدر وروسته صدقه ورکړئ، څو په ټولې میاشتې کې له بلاوو خوندي وسئ.
د سوره واقعه ختم (د رزق د پراخوالي لپاره)
- د صفر له لومړۍ ورځې پیل شي:
لومړئ ورځ : یو ځل سوره واقعه
- دوهمه ورځ: دوه ځل سوره واقعه دریمه ورخ؛ ۱۴ واقعه سوره څلورمه ورځ : ۱۴ ځل سوره واقعه
د حدیث له مخې، څوک چې هره شپه سوره واقعه ووائي، هیڅکله به بېوزلي ونه ویني. او څوک ئې چې د خوب نه مخکې تلاوت کړي، د قیامت په ورځ به ئې څېره د سپوږمۍ په څېر ځلوي.
د صفرې میاشتې ځانګړې دعا (له فیض کاشاني رحمهالله نقل شوې)
هره ورځ ۱۰ ځله ئې د ویلو سپارښتنه شوې ده:
یا شَدیدَ الْقُوی، وَیا شَدیدَ الْمِحال، یا عَزیزُ، یا عَزیزُ، یا عَزیزُ،...
دا دعا د خدای له قهره د پناه غوښتلو، له بلاګانو د ژغورنې او داغه راز د الهي رحمت د غوښتنې لپاره ده.
د صفرې د درېیمې ورځې ځانګړی عمل:
- دوه رکعته لمونځ: لومړی ږرکعت: حمد + سوره فتح دویم رکعت: حمد + سوره توحید بیا ۱۰۰ ځله صلوات، ۱۰۰ ځله لعنت پر آل ابیسفیان، ۱۰۰ ځله استغفار او بیا د خپلې دعا استجابت وغواړئ.
د حسینی اربعین زیارت
د صفرې په ۲۰مه د حضرت امام حسین (ع) زیارت ډېر تاکید شوی عمل دی.
له حضرت امام حسن عسکري (ع) څخه روایت دی چې د مؤمن نښې پنځه دي:
- د ورځې ۱۷ رکعت واجب + ۳۴ رکعت نافله لمونځ د اربعین زيارت د ښي لاس په ګوته کې انګشتري د سجدې پر مهال ټڼډه پر خاورې کیښودل د «بسم الله الرحمن الرحیم» په لوړغږ ویلو سره لمونځ پیلول
نوره مهمې تاریخي پېښې په صفر میاشت کې:
- ۱ صفر: د امام حسین (ع) سر مبارک شام ته انتقال شو ۳ صفر: د امام محمد باقر (ع) زیږون (په یوه روایت) ۵ صفر: د حضرت رقیه (س) وفات ۷ صفر: د امام موسی کاظم (ع) زیږون (په روایت) او د امام حسن مجتبی (ع) شهادت (د بحارالانوار له مخې) ۹ صفر: د عمار یاسر شهادت، د پیغمبر(ص) وفادار صحابي
پایله: صفرې میاشت یوه له ډېرو مهمو هجري قمري میاشتو څخه ده، چې هم روحاني اهمیت لري او هم تاریخي. د دې میاشتې مستحبي اعمال، دعاګانو لوستل ، د قرآن ختمونه او زیارتونه د انسان د روح صفا کولو او تقوا لوړولو لپاره مهم فرصتونه برابروي
https://iqna.ir/fa/news/4296135
