د عربستان د ۴۶ نړیوالو قرآني سیالیو جزئیات اعلان شول
د ایکنا د راپور له مخې چې د «عین» له قوله ئې خپور کړی راغلي دي، دغه سیالۍ به د ۱۴۴۸ هجري قمري د صفرې له ۲۳ څخه د ربیعالاول تر ۶ (د زمري د میاشتې له ۱۶مې څخه تر ۲۸مې) پورې ترسره شي. په روان پړاو کې ۳۳۴ ښځو او نارینهوو د ۱۳۳ هېوادونو په استازیتوب نوملیکنه کړې ده.
د ګډونوالو دا شمېر تاریخي ریکارډ ګڼل کېږي او د دغو سیالیو له پیل راهیسې تر ټولو لوړ ګډون بلل شوی دی.
د دې سیالیو موخې د مسلمانانو د اولادونو هڅول چې د قرآن کریم حفظ، تدبر او پوهې ته مخه کړي، د حافظانو ترمنځ د سالمې سیالۍ رامنځته کول، له قرآن سره د نوي نسل اړیکو پیاوړې کول او د قرآن او د الهي کلام د زدهکړې په خدمت کې د سعودي عربستان د هڅو څرګندول دي.
د سږني پړاو د جایزو ټولیز ارزښت ۱۰ میلیونه او ۲۶ زره سعودي ریال دی او سیالۍ په پنځو برخو کې ترسره کېږي:
د اوو متواترو قرائتونو له مخې د ټول قرآن حفظ؛
د قرآن د لغتونو له تفسیر سره د ټول قرآن حفظ؛
د ټول قرآن حفظ؛
د ۱۵ سپارو یا جزؤ حفظ؛
او د پرلهپسې پنځو سپارو یا جزؤ حفظ کول .
د نارینهوو د سیالیو وروستی پړاو او پایزې دستورې به په مسجدالحرام کې ترسره شي، او د ښځو د برخې سیالۍ او اختتامیه به د مکې د هیلتن هوټل د کنفرانسونو په تالار کې ترسره شي.
دغه سیالۍ به سږ کال د خپل تاریخ په اوږدو کې د لومړي ځل لپاره د ښځو ځانګړې برخه هم ولري. د ښځو د ګډون پرېکړه د سعودي د اسلامي چارو وزیر عبداللطیف بن عبدالعزیز په غوښتنه شوې، چې د ملي او نړیوالو قرآني سیالیو عمومي سرپرستي هم پر غاړه لري.
دغه نړیوالې قرآني سیالۍ هر کال د سعودي د اسلامي چارو وزارت له خوا په مسجدالحرام کې ترسره کېږي او د نړۍ له مهمو نړیوالو قرآني پروګرامونو څخه شمېرل کېږي
https://iqna.ir/fa/news/4366900
