په عراق کې د قرآني استعدادونو د سیالیو لومړنۍ ازموینې پیل شوې
د ایکنا د عراق څانګې د راپور له مخې، دغه مرکز د دوشنبې په ورځ، د چنګاښ ۲۹مه، د عراق د ټولو ولایتونو له قاریانو څخه ترلاسه شوې ثبت شوې تلاوتونه د مرکز د ثقلین په تالار کې اوري، څو ارزونه یې وکړي او د شپاړسمو عمومی قرآني سیالیو لپاره غوره کسان وټاکي.
د مرکز د رسنیو دفتر ویلي، دغه تلاوتونه د مرکز د مشر قاري رافع العامري تر څارنې لاندې اورېدل کېږي او د یوې تخصصي قاضیانو کمېټې له خوا، چې مشري ئې شیخ ایاد الکعبي کوي، ارزول کېږي.
په دغې کمېټه کې دا کسان هم شامل دي:
سامي الغراوي د تجوید د قواعدو قاضی یا داور،
صباح السرای د لحن یا لهجې قاضی او داور،
علي عبدالستار الخفاجي او فرحان الأرکوازي د وقف او ابتدا د چارو قاضیان،
او علي حسن د غږ (صوت) د چارو قاضی.
د هر ولایت هغه ګډونوال چې په لومړنیو ازموینو کې غوره شي، د خپل ولایت استازیتوب به د قرآن د حفظ او تلاوت په شپاړسمو عمومی سیالیو کې وکړي چې دغه مرکز به ئې په راتلونکې کې ترسره کړي.
دغه سیالۍ د دې لپاره جوړېږي چې د عراق غوره قاریان او حافظان نړیوالو قرآني سیالیو ته واستول شي. تېر کال د دغو سیالیو پنځلسم پړاو د «د عراق استازیتوب؛ د ټولو لپاره ویاړ» په شعار سره ترسره شوی و.
https://iqna.ir/fa/news/4365254
