.په مکې میوزیم کې د الحمد سورې د معرفئ تابلو نندارې ته وړاندې شوه

 ایکنا - د مکې د قرآن کریم موزیم، خپل یو تر ټولو مهم  هنري اثر، د الحمد او بقرې سورو  د لومړیو آیتونو یو ښکلی معرق او میناکاری شوی تابلو، نندارې ته وړاندې کړی دی.

ایکنانیوز د البوابه نیوزله قوله  راپور راکړی، دغه تابلو د مکې فرهنګي کلي په قرآن موزیم کې نندارې ته کېښودل شوی او دا یو  هغه نادره هنري اثر ګڼل کېږي چې لوي اړخونه لري او پکې د حمد سوره او د بقرې  سور ې د پیل آیتونه شامل دي.

دغه تابلو له یو میلیون څخه زیاتو رنګین میناکاری شوو کوچنیو ټوټو څخه جوړ شوی، چې ټول  مساحت ئې ۷۶.۶۷ مربع میټر دی.

دغه تابلو د اسلامي معرق هنر یو بې‌سارې شاهکار ګڼل کېږي، چې الهام ئې له هغې قرآني نسخه اخیستل شوی چې د لیکوال "مصطفی ذوالفقار" لخوا د  ۱۰۶۶ هجري قمری کال (میلادي ۱۶۵۶) په نسخ خط لیکل شوې ده. اصلي نسخه ئې دا مهال د مدینې "ملک عبدالعزیز وقفي کتابتونونو" مرکز کې ساتل کېږي.

دغه تابلو د اسلامي معرق هنر بیلګه ده، چې پکې کوچني رنګارنګ مکعبونه د هنر یوه بشپړه نمونه جوړوي.

قرآن موزیم چې د حراء په فرهنګي کلي کې موقعیت لري، د مکې د اسلامي تمدن او فرهنګ استازیتوب کوي. دا د مکې لومړی تخصصي قرآني موزیم دی او د حراء غره ته نږدې موقعیت لري.

دغه موزیم نادره هنري اثار او د قرآن د مختلفو اسلامي پړاؤونو خطي نسخې نندارې ته وړاندې کوي. همداراز، دلته تعلیمي ماډلونه شته چې د قرآن د کتابت پرمختیا ښئي. ماډرن ټکنالوژي کارول کېږي څو د قرآن عظمت لیدونکو ته معرفي کړي، او همداراز بصري سکرینونه لري چې د قرآن د غونډولو تاریخ بیانوي.

https://iqna.ir/fa/news/4298145