په هند کې د رسول الله (ص) د میلاد نړیوال سمینار ترسره کیږي

ایکنا - د هندوستان د کرالا صوبې په «کالیکوت» ښار کې د رسول الله (ص) د میلاد نړیوال سمینار د هند د مفتي تر څارنې لاندې ترسره کیږي.

 ایکنا نیوز د صدي البلد په حواله راپور راکوي، دا نړیوال سمینار به د ۲۰۲۵ کال د سپټمبر په ۱۳  (د ۱۴۰۴ کال د وږي ۲۲ ) د هند د مفتي، د شیخ ابوبکر احمد، تر نظارت لاندې او د هند د اهل سنت کلتوري مرکز پوهنتون په مستقیم ملاتړ ترسره شي.

د نړۍ د بېلابېلو هېوادونو علمي او فکري پلاوي او د دیني اورګانونو او تنظیمونو استازي، لکه د مصر د اوقافو وزارت د تعلیمي چارو مرستیال، محمود بهنسي،  په دې غونډه کې ګډون کوي.

په دغه سمینار کې به د ځینو موضوعګانو  په اړه بحث کیږي چې ستاسو خدمت ته ئې وړاندې کوو؛

د پیغمبر (ص) د میلاد رول د ملتونو ترمینځ د همدردۍ او  ګډ سوله ایز ژوند د مفاهیمو په پیاوړتیا کې

د نبوي سیرت اخلاقي ارزښتونه او د اوسني بحرانونو په حل کې د هغوی اغېزې؛

د اسلامي ادارو او تنظیمونو مسؤلیت د پیغمبر (ص) د نړیوال بشریت د غوره بېلګې په توګه معرفي کولو کې

تمه کیږي چې دا  نړیوال سمینار به د هند د داخل  او بهر د بېلابېلو ډلو پراخ ګډون ولري او په دې غونډه کې به کلتوري پروګرامونه، مداحي نعتونه او د پیغمبر (ص) په ستاینه کې د سیرت په مناسبت ویناوې به ترسره شي څو د نبي کریم (ص) سره مینه او ارادت څرګند شي.

همدارنګه، د کالیکوت سمینار، د یوه نړیوال اسلامي پروګرام په توګه، د هند د اهل سنت کلتوري مرکز پوهنتون رول به په دیني خدمت، د میانه روۍ په خپرولو او د نبوي د تل پاتې ارزښتونو د دعوت په برخه کې روښانه کړي.

https://iqna.ir/fa/news/4303793