په دولس ورځني تپلي جنګ کې د ایران د ملت اتحاد، دښمن ناامیده کړ

ایکنا – د اسلامي انقلاب ستر لارښود په خپلې وینا کې د دې  خبرې په  کولو سره چې د ایران د ملت د اتحاد په اړه زما لومړۍ خبره دا ده چې په دولس ورځنۍ جګړې کې د ایران د ملت اتحاد او یووالی دښمن ناامیده کړ،  وفرمائيل؛  دښمن د جګړې له مینځنيو شپو ورځو څخه پوهه شو ؤهغه هدف او مقصد ته به ونه رسېږي چې ئې درلود.

یکنانیوز  د پارس  ټوډې له قوله راپور راکړی،د اسلامي انقلاب معظم لارښود حضرت آیت الله  العظمی سید علی خامنه‌يي، تېره شپه د ایران ملت ته په ټیلویژوني وینا کې وویل: اړینه ګڼم چې په دې شپو ورځو کې د ستر مجاهد، شهید سید حسن نصرالله د شهادت د کلیزې په مناسبت د هغه یادونه وکړم. سید حسن نصرالله د اسلامي نړۍ لپاره، نه یوازې د اهل تشیع یا لبنان لپاره، بلکې د ټولې اسلامي نړۍ لپاره یوه عظیمه شتمني وه. البته، دا شتمني له لاسه نه ده تللې. دا شتمني اوس هم شته ده. هغه  لاره، خو هغه شتمني چې هغه رامینځته کړې وه، پاتې ده.

ددغه راپور په اساس، حضرت آیت الله العظمی سید علی خامنه‌يي زیاته کړه: د ایران د ملت د اتحاد په اړه زما لومړۍ خبره دا ده چې په دولس ورځنۍ جګړې کې د ایران د ملت اتحاد او یووالي دښمن ناامیده کړ،یعنې دښمن د جګړې له منځنيو شپو ورځو څخه پوهه شو هغه هدف او مقصد ته به ونه رسېږي چې ئې درلود.

 د اسلامي انقلاب ستر  رهبر وفرمایل: د دښمن هدف، د قوماندانانو وژل نه وو. دا یوازې یوه وسیله وه. دښمن فکر کاوه چې د پوځي قوماندانانو او نظام د ځینو اغېزمنو شخصیتونو په وژلو سره به، په هېواد کې ګډوډي رامنځته شي، په ځانګړې توګه په تهران کې به د دوی عوامل شور او ګډوډي رامنځته کړي او خلک، هغه کسان چې کولای شي، واټونو ته راوباسي او د خلکو په وسیله د اسلامي جمهوریت پر وړاندې پېښه رامنځته کړي. دا د دوی هدف وو. له همدې امله هدف یې اسلامي جمهوریت وو.

حضرت آیت الله خامنه‌يي زیاته کړه: د دښمن هدف د نظام مختل کول وو، لکه څنګه چې ما په یوه بله وینا کې وویل، دوی حتی د اسلامي جمهوریت له سقوط وروسته لپاره پلانونه جوړ کړي وو او فکر یې کاوه. دوی غوښتل فتنه رامنځته کړي، په واټونو کې فتنې او ډلې جوړې کړي او په هېواد کې د اسلام رېښې وباسي. دا د دښمن هدف وو.

د اسلامي انقلاب رهبر وفرمایل: ښه، دا هدف په هماغه لومړیو ګامونو کې ناکام شو. خو قوماندانان او نور کسان تقریباً سمدستي ځای پر ځای شول، د هغوی پر ځای نور کسان وټاکل شول او د وسله‌والو ځواکونو نظم، ترتیب او قاعده د پخوا په څېر په پیاوړتیا او لوړې روحیې سره پاتې شوه.

هغه ټینګار وکړ: خو خلک، چې د خلکو تر ټولو اغېزمن عنصر وو، مطلقاً د دښمن د غوښتنو تر اغېزې لاندې رانه غلو. لاریونونه جوړ شول، واټونه ډک شول، خو د دښمن پر وړاندې، نه د اسلامي نظام پر وړاندې.

https://parstoday.ir/ps/news/iran-i165000