«هلال زیتون» او په کینیا کې د اسلامي او ماډرن زده کړو د یوځای کیدا ماموریت(انځورونه)

ایکنا - د کینیا  په پلازمینې  نایروبي،  کې نړیوال «هلال زیتون» نومې ښوونځی، د قرآني ـ اسلامي تعلیم مرکز دی چې په ورته وخت کې د نړۍ  د ماډرن علومو زده کړې   هم وړاندې کوي، چې د مسلمانانو د اسلامي هویت د ویاړمن کولو لپاره هڅه کوي.

 ایکنا نیوز د الجزیره له قوله راپور  راکوي، ، په نایروبي کې په یوه ارام ګاونډ کې، د نړیوال «هلال زیتون» (Olive Crescent) ښوونځي په توګه یوه ماډرن ودانۍ په  روښانه رنګونو سره واقع ده  چې په څو کلونو کې، دا ښوونځی په  کینیا کې د  اوسمهاله  اسلامي تعلیم په صحنې کې یوه  مهمه نښه ګرځېدلې، چې د یوې غیرعربي یا غیر مسلمان  هېواد کې دی، که څه هم د مسلمانانو  د پام وړ  نفوس پکې ژوند کوي.

دا ښوونځی چې د هغه مسؤلینو لخوا «د سنت او  ماډرنوالي یو ترکیب» ښودل شوی، د یو  داسې ډول نمونې وړاندې کولو په لټه کې دی چې د نړیوال اکاډمیک تعلیم او اسلامي هویت ترمنځ توازن رامنځته کړي په هغه هېواد کې چې والدین د دې لپاره چې د دوی ماشومانو لپاره د راتلونکي دروازې خلاصې کړي پرته له دې چې د دوی کلتوري او دیني ریښې له منځه یوسي، د تعلیمي ادارو په انتخاب کې سره رقابت کوي.

د دغه اسلامي ښوونځي د پرانیستلو نظریه، په کینیا کې د مسلمانو کورنیو د ورځني اړتیا په پام کې په نیولو سره په تبیره بیا په نایروبي کې، د یوې تعلیمي ادارې ته چې د دوی ماشومانو ته نړیوال معتبر تعلیم وړاندې کړي، پرته له دې چې دوی له دوی دیني او کلتوري ریښې جلا کړي، راپورته شوه.

ډېر والدین د دوو متضادو انتخابونو سره مخ دي یعنې یا د ځایي اسلامي ښوونځي چې پر دیني مطالعو او قرآن حفظ تمرکز لري، خو ځینې وختونه د نړیوالو پوهنتونونو داخلې لپاره اړین علمي ژورتیا ته اړتیا نلري،

یا معتبر نړیوال ښوونځي چې بشپړ غربي نصاب لري او د اسلامي هویت لپاره ډېر کم ځای پریږدي؛ په داسې حال کې «هلال زیتون» پروژه اجرا شوه چې ټینګار یې کوي چې د دې دوو (قرآني دیني تعلیم  له ماډرن  علومو سره په یووخت ) ترکیب نه یوازې ممکن دی، بلکې اړین دی.

د دې ښوونځي مالک، شیخ سعید الراجي،  الجزیرې نت ته د هغه د نوم د اهمیت په اړه وویل چې کلمه «زیتون» په قرآن کریم کې د «والتین والزیتون: د انجیر او زیتون قسم» او په نورو آیتونو کې ذکر شوې ده. کلمه «زیتون» عموماً د آرامښت او ډاډ په معنی وي، په داسې حال کې چې د سپوږمۍ هلال د اسلام نښه ده، نو مونږ غوښتل چې دا دوه یوځای کړو.

په ښوونځي کې د کارول شوي نصاب، د برتانیې نصاب دی چې لوړ ګریډ زده کونکي  د «آی جی سی اس ای» (IGCSE) (د مینځني تعلیم نړیوال عمومي سند چې انګریزي ژبې پر بنسټ دی یعنی او لیول ،اې لیول) امتحانونو لپاره چمتو کوي او په ورته وخت کې هر درس، یا له لارې د دیني ارزښتونو  یو خاي په تعلیمي متنونو کې او یا له لارې د هغو فعالیتونو چې اخلاقي مفاهیم او هویت پیاوړي کوي، اسلامي  اړخ لري.

الراجي چې د کاناډا سومالیائي توکمه دی تشریح کوي چې د هغه د دې ښوونځي د جوړولو لپاره انګیزه، د یو   داسې نسل روزل و چې اسلامي ارزښتونه ولري او دا ارزښتونه د برتانیې کمبريج نصاب سره ترکیب کوي.

له دې چې هلال زیتون درې کاله مخکې پرانیستل شوی، دا ښوونځی ډېر ماشومان د کینیايي مسلمانو کورنیو او حتی ځینو ګاونډيو  هېوادونو څخه ځان ته  جذب کړي دي

هالونه هم د قرآن د حفظ لپاره ځانګړي شوي دي چې هلته زده کونکي خپل حفظ ته په «تنزیل مرکز» کې د متخصصو ښوونکو تر نظارت لاندې دوام ورکوي.

په دې ښوونځي په کوټو او هالونو کې، قرآن له علم سره ژوند کوي او د بخښنې او نظم ارزښتونه د لوړو اکاډمیک معیارونو سره سم ښودل کېږي.

https://iqna.ir/fa/news/4306469