د "سید نسلونه" د امام خامنهای په رهبرۍ سره د ولایت په لار کې دي
ایکنا نیوز د المنار له قوله راپور راکړی،د لبنان دحزب الله عمومي منشي، شیخ نعیم قاسم،د سید نسلونه" نومې غونډې کې او د امام مهدي (عج) د شپیته زره لښکریانو په پریډ کې پخپلې وینا کې وویل: د محمدی اسلام (صلوات الله علیه) پر بنسټ تربیت تر ټولو غوره لاره ده.
هغه زیاته کړه: د امام مهدي (عج) د لارې لارویان د راتلونکي لپاره هڅې کوي. امام مهدي (عج) لوړ هدف دی چې مونږ غواړو د هغه په مستقیمې قوماندانئ سره په ځمکې کې یو عادلانه امت ته ورسېږو.
شیخ نعیم قاسم وویل: مونږ د مشرانو او لارویانو په توګه په یوې تر ټولو پاکې صحنې کې سره غونډیږو چې د عزت لرونکي ژوند اراده ښئي.
هغه د لبنان د حزب الله د امام کشافة الامام مهدي (عج) د ټولنې ځوانانو او زلمیانو ته په خطاب کې ووئيل؛ تاسو روښانه راتلونکي او د رښتیا او عدالت مخکښان یاست. تاسو د سید نسلونه یاست چې د امام خامنهای په رهبرۍ سره د ولایت په لاره کې یاست.
شیخ نعیم قاسم دوام ورکړ: د مقاومت د شهیدانو سردار ، د امت د شهیدانو مشر دی چې تاسو ئې د راتلونکي لپاره د عهد، ارادې او امید جوړولو لپاره تربیت کړي چې د الله لاره، د عزتمند ژوند لاره، د مجاهدینو او شهیدانو لاره او د دنیا او آخرت د نیکمرغئ لاره وپیژنئ او لوي نجات ترلاسه کړئ.
هغه ټینګار وکړ: په هر حالت کې باید د صادقې وعدې او لا ښه راتلونکي ته امید پاتې شي. حتی که زلزلې او سختئ له هرې خوا تاسو راګیر کړي ، نو تاسو د الله اطاعت کې ثابت قدم یاست.
د حزب الله عمومي منشي، شیخ نعیم قاسم، د حزب الله زلمیانو ووئیل؛ تاسو د مقاومت په لاره کې یاست او زمونږ له مقاومت څخه مراد، تر ټولو جامع او پراخ دی، ځکه چې یو تربیتې، کلتوري، اخلاقي او سیاسي انتخاب دی.
د حزب الله عمومي منشي په دوام کې ووئیل؛ زه ویاړم چې په تاسو کې یم، تاسو مې قدرمن یاستئ او دعا کوم چې ګډه د امام مهدي (عج) په انتظار کې ووسوو.
https://iqna.ir/fa/news/4310269
