ممداني: که نتانیاهو نيويارک ته داخل شي،نو وبه نیول شي
ایکنانیوز د العالم له قوله راپور راکوي، ظهران ممداني ټینګار کړی چې د نړیوالې محکمې له خوا د د نیولو د فیصلو د پلي کولو لپاره به له هېڅ قانوني هڅې ډډه ونه کړي.
هغه زياته کړه: ما تل ويلي دي چې دا ښار د نړيوالو قوانينو تابع دی،او همدا قوانین به د ملګرو ملتو دعمومي اسمبلې د غونډې پر مهال چې راتلونکی کال په دې ښار کې ترسره کېږي، پلي کېږي.له دې جملې څخه هغه فیصلې دي چې د عدالت نړیوالې محکمې (هیګ) له لوري د نیولو په اړه صادرې شوي دي.
ممداني څرګنده کړه چې دا هېڅ توپیر نه کوي چې دا حکم د بنیامین نتانیاهو پر ضد وي او که د ولادیمیر پوتین پر ضد؛ مونږ خپلو ارزښتونو ته وفاداره یو.
هغه په دوام کې وویل: زه د ډونالډ ټرمپ په اپوټه د قانون په چوکاټ کې عمل کوم، قانون نه وضع کوم؛ نو له همدې امله به خپله ټوله هڅه وکړم څو نړیوالې فیصلې پلي کړم.
د نيويارک نوي منتخب ښاروال وويل: که نتانیاهو نيويارک ته راشي او زه د هغه د نيولو لپاره هڅه ونه کړم، نو زه به د نيويارک ښاروال نه يم.
هغه زياته کړه: بايد له ټولو قانوني امکاناتو څخه د نتانیاهو د نیولو د فیصلې د پلي کولو لپاره کار واخلو.
https://iqna.ir/fa/news/4317483
