شیخ الازهر د نړۍ د ۵۰۰ با نفوذه شخصیتونو په لړلیکه کې شامل شو
ایکنانیوز د «فیتو» له قوله راپور راکړ، د اردن سلطنتي اسلامي څېړنو او مطالعاتو مرکز خپل کلنی کتاب «په نړۍ کې ۵۰۰ با نفوذه مسلمان شخصیتونه» په عنوان سره خپور کړی او پکې ئې احمد الطیب د نړۍ له اغېزشیندونکو اسلامي څېرو څخه وپېژاند.
د دې انتخاب لامل، د شیخ الطیب هغه ستر رول بلل شوی چې د الازهر د مشر په توګه ئې ترسره کړی،چې د نړۍ تر ټولو پخوانی اسلامي بنسټ دی، او همدارنګه د ده نه ستړې کېدونکې هڅې چې د اعتدال د خپرولو، د خبرو اترو د فرهنګ د ټینګېدو او د سولې د ارزښتونو د پیاوړتیا لپاره ئې کړې دي.
په کتاب کې ټینګار شوی چې شیخ الازهر د خپل علمي مقام او مخکښ رول له امله چې له اسلامي نړۍ هاخوا هم اغېزې لري، په دې فهرست کې ځای موندلی دی. هغه د اوسمهاله زمانې له مهمو اسلامي شخصیتونو څخه ګڼل شوی او د اسلامي امت په مسایلو، د افراطیت پر ضد په مبارزې، او د عادلانه قضیو په ملاتړ، په ځانګړي توګه د فلسطین په قضیې کې، یو اغېزشیندونکی غږ بلل شوی دی.
په کتاب کې همدارنګه راغلي: احمد الطیب الازهر د هغو روښانه او باعزته دریځونو اخیستو ته هڅولی چې د غزې د نسل وژنې او بېکوره کولو پر ضد دي او د بشري مرستو د رسولو د هڅو ملاتړ کوي.
راپور زیاتوي چې الازهر د احمد الطیب تر مشرئ لاندې، خپل تاریخي رسالت ته چې له زر کلونو ډېر عمر لري، دوام ورکوي؛ دا رسالت د اسلامي علومو د محافظت او د اعتدال او مینځ لاریتوب د اصولو د خپراوي مرکزي ځایګی بلل کېږي
په کتاب کې یادونه شوې چې شیخ الازهر د نړۍ تر ټولو لوي ديني تعلیمي نظام څاري چې له دوو میلیونو زیات زدهکوونکي په بېلابېلو کچو کې پکې شامل دي، او له ۱۲۰ څخه د ډېرو هېوادونو محصلین پکې زدهکړې کوي. موخه دا ده چې د الازهر فارغ التحصیلان په یوه نړیوال چینل بدل شي چې د اسلام د زغم او میانهروۍ پیغام خپور کړي، ناسم اخستونونه سم کړي او د دیني پوهاوي په لوړولو کې ونډه ولري
راپور د احمد الطیب هغه هڅې هم بیانوي چې د دینونو د خبرو اترو په برخې کې ئې کړې دي، د واتیکان تاریخي لیدنې، د بهرنیو محصلینو تلپاتې ملاتړ، او د الازهر د مرکزونو او مؤسیسو جوړول په هغو هېوادونو کې چې موخه ئې د معتدل اسلام خپراوی دی.
په همدې کتاب کې د اردن د اوقافو وزیر اسامه الازهري هم د ۲۰۲۵–۲۰۲۶ لپاره د نړۍ د ۵۰۰ با نفوذه مسلمانو شخصیتونو په لړلیک کې شامل شوی، او د ده د اغېزمن ديني او فکري رول ستاینه پکې شوې ده.
https://iqna.ir/fa/news/4317857
