په جرمني کې د مسلمانانو پر ضد د کرکې خپرولو پېښې زیاتې شوې دي

ایکنا - د جرمني د پولیسو د راپور له مخې، د ۲۰۲۵م کال له پیل راهیسې په دغه هېواد کې د مسلمانانو پر ضد د کرکې پر بنسټ له ۹۳۰ څخه ډېر جرمونه ثبت شوي دي.

  ایکنانیوز  د  تي آر تي عربي» له قوله راپور راکړ، د یوې نوې څېړنې پر بنسټ د جرمني فیډرالي جنائي پولیسو اداره د کال په لومړیو درو  میاشتو کې له اسلامه  د ویرونې د  پروسې  ۴۶۹ پېښې ثبت کړې دي؛ په دویمې درې میاشتې کې دا شمېر ۳۱۶ او په دریمه درې میاشتې کې ۱۴۵ پېښې وې.

په لومړۍ درې میاشتو کې د ۲۸۳ کسانو، په دویمه درې میاشتو کې د ۱۷۲ کسانو او په درېیمه درې میاشتو کې د ۸۵ کسانو هویتونه معلوم شوي دي. تر دې ډلې پنځه کسان نیول شوي خو لا تر اوسه رسماً تورن شوي نه دي.

د ۲۰۲۵م کال د جنورۍ او ستمبر ترمینځ، چارواکو د جرمني په بېلابېلو ایالتونو کې د جوماتونو ۳۱ حملې ثبت کړې دي چې په نتیجه کې ۳۸ کسان ټپیان شوي دي.

راپور تشریح کوي ،هغه جرمونه چې د اسلامه د ویرونې د پروسې  په نوم طبقه‌بندي کېږي پکې د کرکې خپرول، سپکاوی، ګواښ، د اساسي قانون له مخې د منع شویو نښو کارول، د ملکیتونو زيانمنول او فزیکي بریدونه شامل دي.

په راپور کې ویل شوي چې د دغو ډېرو پېښو عاملان د افراطي ښي اړخي ډلو غړي دي.

https://iqna.ir/fa/news/4317790/