د آسټریا پارلیمان په ښونځیو کې د سکارف یا حجاب ممنوعیت تصویب کړ

ایکنا - د آسټریا پارلیمان په دغه هېواد کې د ۱۴ کلونو څخه د کم عمره نجونو لپاره په ښوونځیو کې د حجاب د بندیز پلان  تصویب کړ.

 د ایکنانیوز د ډویچه ویلې له قوله راپور  راکړ ، د نوي قانون له مخې مسلمانې نجونې به په آسټریا کې تر ۱۴ کلنۍ پورې په ښوونځیو کې د سکارف  (روسري) د اغوستلو اجازه ونه لري. د دې قانون اړوند تعدیل د آستریا په پارلیمان کې تصویب شوی دی

دا قانون به له  ۲۰۲۶/    ۲۰۲۷   تعلیمي کال څخه عملي شي.

د اسټریا د کورنۍ او ادغام وزیرې، کلوډیا پلاکولم، د پارلیمان په غونډې کې دا پرېکړه د نجونو د ساتنې په لور یو تاریخي ګام وباله او ټینګار ئې وکړ چې روسري یا سکارف  یوازې یو بې‌ضرره ټوکر نه دی.

هغې د دې اقدام د توجیه لپاره وویل چې په آسټریا کې هېڅ جینئ باید د خپل بدن د پټولو د اړتیا له احساس سره لویه نه شي.

دا بندیز په ځانګړي ډول هغه سکارف او روسري ته اشاره کوي چې د اسلامي دودونو له مخې سر پَټوي، او دا موضوع په قانوني متن کې په څرګنده توګه یاده شوې ده.

د نیول شویو پرېکړو له مخې، د پوهاوي پړاو به د ۲۰۲۶ کال د فبرورۍ له پیل څخه شروع شي، څو ښوونځي د نوو مقرراتو لپاره چمتو شي.

که چېرې ددغه پلان خلاف ورزي  وشي، ن ود ښوونځي اداره باید لومړی له یادې نجلۍ او د هغې له والدینو سره ناسته وکړي. که ماشومه بیا هم د سکارف یا روسرئ اغوستلو ته دوام ورکړي، نو مور پلار  ئې  باید د ښوونځي له اړوند مسئول سره خبرې وکړي. په وروستي پړاو کې کېدای شي له ۱۵۰ څخه تر ۸۰۰ یورو پورې جریمه ولګول شي.

دا تعدیل د واکمنو ګوندونو په رایو تصویب شو، چې پکې د اتریش د خلکو ګوند (ÖVP)، سوشل ډیموکراتان (SPÖ) او لیبرال ګوند NEOS شامل دي. همدارنګه، مخالف ښي‌پاله پوپولیست ګوند، د ازادۍ ګوند (FPÖ)، هم له دې اقدامه ملاتړ وکړ. د شنو ګوند په اصل کې د حجاب له بندیز سره مخالفت نه لري، خو د وړاندیز شوي قانون پر وړاندې یې ځکه منفي رایه ورکړه چې  دا  ئې د اساسي قانون خلاف وباله.

د اتریش اوسنی حکومت استدلال کوي چې د دې قانون موخه د جنسیتي ظلم مخنیوی دی.

د اتریش اسلامي دیني ټولنې (IGGÖ) دا وړاندیز وغنده او خبرداری یې ورکړ چې دا ډول اقدامات مسلمانان د ټولیز شک لاندې راولي.

https://iqna.ir/fa/news/4322435