د قرآن کریم د درې دېرشم نړیوال نندارتون د شعار د ټاکلو بلنه خپره شوه

ایکنا - د قرآن کریم نړیوال نندارتون، د دې ستر قرآني بهیر د لا ولولناک  ترسره کېدو لپاره د قرآني ټولنې، په تیره بیا  د متفکرانو  او هنرمندانو د ګډون په موخې سره ، د درې دېرشم پړاو د «شعار د ټاکلو» دعوت او بلنه خپره کړه.

 ایکنانیوز د  ایران  د کلتور او اسلامي ارشاد د وزارت د قرآن او عترت د عالي مرکز د عامه اړیکو او خبرتیا د دفتر په حواله راپور راکړی، د قرآن کریم نړیوال نندارتون د خپل درې دېرشم پړاو د نږدې کېدو په درشل کې، د دې بهیر د رسمي شعار د ټاکلو لپاره یوه بلنه او خبرتیا  خپره کړې ده.

د دې بلنې له مخې، مینه‌وال کولای شي له ټاکل شوو ۸ شعارونو څخه د خپلې خوښې شعار ته په رایه ورکولو سره، د نندارتون د شعار په ټاکلو کې ګډون وکړي.

وړاندیز شوي شعارونه:

۱ ـ آیتونه  تا ته دعوت درکوي

۲ ـ د آیتونو پوهه، د لوړو څوکو فتح

۳ ـ قرآن او عترت؛ د یووالي چورلیز

۴ ـ له قرآن سره تر آسمانه

۵ ـ قرآن، د ویښولو یا بیدارولو کتاب

۶ ـ قرآن د ژوند او هیلې سرچینه

۷ ـ مونږ او قرآن

۸ ـ له آیت څخه تر آئینې یا تر هیندارې  پورې، په څير شعارونه ټاکل شوي دي

د ګډون وروستۍ نېټه د مرغومي یا جدې  (دي) میاشتې ۲۰  اعلان شوې ده. مینه‌وال کولای شي د نظرپوښتنې په موخه دې پتې ته مراجعه وکړي:

www.iqfa.ir

تر ارزونې او ټاکنې وروسته به غوره شعار د قرآن کریم د درې دېرشم نړیوال نندارتون د رسمي شعار په توګه معرفي شي، او د  پَچې له لارې به ۱۰ ګډونوالو ته ارزښتمنې ډالۍ ورکړل شي.

https://iqna.ir/fa/news/4327232