د قرآن په ۳۳ نندارتون کې د قرآني پوه بنسټه شرکتونو د وړتیاؤ ننداره
سید یاسر ساجدي، چې د قرآن کریم د ۳۳ نړیوال نندارتون د مصنوعي ځیرکتیا یا آرټيفیشل اینټلیجنس او قرآني پوه بنسټه شرکتونو د برخې مدیر دی، له ایکنانیوز سره په مرکې کې وویل: په وروستیو کلونو کې په هېواد کې د قرآني پوه بنسټه ایکوسیستم رامنځته شوی او د پام وړ ظرفیت ته رسېدلی دی. زمونږ هڅه دا وه چې په دې پړاو کې دغه ظرفیتونه په عملي او محسوس ډول خلکو ته وړاندې شي او د قرآني پوه بنسټه شرکتونو محصولات او خدمتونه معرفي شي.
هغه د قرآني پوه بنسټه شرکتونو محدود شمېر ته په اشارې وویل: له څلورو څخه تر پنځه زره پورې فعاله قرآني مؤسسو څخه، له ۲۰ څخه لږو بنسټونو د ګډون شرایط پوره کړي دي. ځینې نورې ټولګې هم په غیرحضوري ډول معرفي شوې دي.
ساجدي زیاته کړه چې په دې برخې کې د مصنوعي ځیرکتیا فعالیتونه په دوو چورلیزونو باندې روان دي:
لومړی چورلیز!: د قرآن په برخې کې د خدمت لپاره د مصنوعي ځیرکتیا محصولاتو تولید، لکه تخصصي قرآني چټباټونه چې ځینو بنسټونو پلان کړي او د قرآني پوښتنو د سمارټ ځواب ورکولو اسانتیا برابروي. دا برخه د عملي وسایلو پر طرحې تمرکز لري.
دوهم محور!: د «مولد مصنوعي ځیرکتیا» کارول د محتوا تولید لپاره. په همدې چوکاټ کې د قرآني محتوا تولید یوه سیالي جوړه شوې چې تنکي ځوانان په څلور یا پنځه کسیزو ډلو کې هر ماښام له ۱۹ څخه تر ۲۳ بجو پورې پکې ګډون کوي. په اوسط ډول ۶۰ تر ۷۰ کسان چې شاوخوا ۱۵ ډلې جوړوي، په دې سیالۍ کې برخه لري.
هغه وویل: په دې پروګرام کې تخنیکي او محتوائي لارښوونه (منتورینګ) ترسره کېږي او ډلې د «له آیتونو سره ژوند» تر عنوان لاندې آیتونو پر محور، د اسلامي ژوندسټایل له لیدلوري محتوا تولیدوي. په پاي کې به نړیوال قاضیان تولید شوي اثار وارزوي او غوره کسانو ته به تر ۲۰ میلیونو تومانو پورې نغدي جایزې ورکړل شي.
ساجدي ټینګار وکړ ،اصلي هدف دا دی چې وښئي نوې ټیکنالوژۍ، په ځانګړي ډول مصنوعي ځیرکتیا، کولای شي د قرآن او د اهلبیت (ع) د معارفو په خدمت کې واچول شي او د ځوان نسل لپاره د نوښت، محتوا تولید او د قرآني کلتور د پراختیا زمینه برابره کړي.
https://iqna.ir/fa/news/4336626
