پزشکیان؛ په ډیپلوماتیک بهیر کې د اسلامآباد رغنده رول د ستاینې وړ دی
ایکنانیوز د ولسمشرۍ د ماڼئ د دفتر له قوله راپور راکړی، د پاکستان د کورنیو چارو وزیر سید محسن نقوي چې د یوه پلاوي په مشرۍ ایران ته په سفر راغلی، د ایران د اسلامي جمهوریت له ولسمشر سره وکتل او ورسره ئې خبرې وکړې.
په دغې کتنې کې د ایران ولسمشر د اوربند او د جګړې پای ته د رسېدو هوکړې ته د رسېدو لپاره د خبرو اترو او ډیپلوماتیکو هڅو په ملاتړ کې د پاکستان د حکومت د ورورولۍ، مسؤلیتپالنې او ژمنتیا له دریځه مننه وکړه او د ډیپلوماسۍ د لارې په ملاتړ او د مذاکراتو د پایلو په ټینګښت کې ئې د پاکستان رغنده او اغېزمن رول وستایه.
پزشکیان همدارنګه د ایران د اسلامي جمهوریت له جدي ارادې سره سم، چې غواړي له پاکستان سره په ټولو ګډو ګټو لرونکو برخو کې اړیکې پراخې او ژوَرې کړي، د دواړو هېوادونو ترمینځ د شته پراخو ظرفیتونو د کارولو پر اړتیا ئې ټینګار وکړ.
په همدې لړ کې پرېکړه وشوه چې د ایران د اسلامي جمهوریت د کورنیو چارو وزیر په مشرۍ یو لوړپوړی پلاوی، چې د کرهڼې جهاد، صنعت، کانونو او سوداګرۍ او همدارنګه د اقتصاد او مالیې وزیران به هم پکې شامل وي، پاکستان ته سفر وکړي څو د اقتصادي، سوداګریزو، پانګونې او نورو ګډو ملګرتیاؤ د پراختیا لارې چارې وڅېړي او تعقیب ئې کړي.
د پاکستان د کورنیو چارو وزیر هم په دې کتنې کې د ایران د اسلامی جمهوریت له ولسمشر سره د لیدنې او د اوربند او جګړې ای ته د رسېدو د هوکړې هرکلی وکړ او د ډاکټر پزشکیان، ډاکټر قالیباف، د بهرنیو چارو وزیر سید عباس عراقچي او د کورنیو چارو وزیر اسکندر مؤمني د سیاسي او ډیپلوماتیکو بهیرونو په اغېزشیندونکي مدیریت کې د هغوی د هڅو او تد بیرونو ستاینه وکړه.
سید محسن نقوي همدارنګه د اسلامي انقلاب د ستر رهبر حضرت آیتالله العظمی سید مجتبی خامنهای له لارښوونو او هدایتوَنو او د ډیپلوماتیکو بهیرونو په ملاتړ، د کړکېچ پای ته په رسولو او د اوربند په ټینګښت کې د هغه د هوښیار او ستراتیژیک رول قدرداني وکړه.
د پاکستان د کورنیو چارو وزیر د تهران او اسلامآباد ترمنځ د اړیکو پر ستراتیژیک اهمیت ټینګار وکړ او وې ویل چې د پاکستان حکومت هوډ لري،په ټولو برخو، په ځانګړي ډول اقتصادي او سوداګریزو ډګرونو کې، دوه اړخیزې همکارۍ د پام وړ لوړې کچې ته ورسوي.
سید محسن نقوي همدارنګه اعلان وکړ چې په تهران کې به د پاکستان نوی سفیر د دواړو هېوادونو ترمنځ د اقتصادي، سوداګریزو او ستراتیژیکو اړیکو د پراختیا لپاره د ځانګړې دندې په لرلو سره خپل فعالیت پیل کړي.
https://iqna.ir/fa/news/4359473
