یو اسټرالیایي فعال وائي؛ اسلام ضده پروسه د ناسم تفکر نتیجه ده
د ایکنا د راپور له مخې، چې د مسلم نېټورک له قوله ئې خپور کرړی راغلي دي، د آسټریلیا د حکومت د اسلامو فوبیا پروسې په خلاف د څانګې نماینده آفتاب ملک، د «ګارډین» ورځپاڼې لپاره په یوې مقالې کې د سناتورې پالین هانسن وروستیو څرګندونو په غبرګون کې ویلي دي چې په آسټریلیا کې د اسلام په اړه عام بحثونه ډېری وخت د حقیقي تحلیل پر ځای د ناسمو تعمیمونو او احساساتي ژبې له لارې رامنځته کېږي.
هانسن د اسلام په اړه د خپلو لیدتوګو د څرګندولو لپاره د بریتانوي لیکوال اې ډي حسین خاطراتو ته اشاره کړې وه. آفتاب ملک وویل چې دا ډول ارجاعات، که څه هم د روا عام بحث یوه برخه ده، خو باید د ټولو مسلمانو ټولنو په اړه د عمومي پایلو د اخیستلو لپاره ونه کارول شي.
هغه زیاته کړه چې د ټولنیزو او شخصي عواملو پراخه لړۍ، لکه ټولنیز ه انزوا او شخصي ناخوښۍ، د افراطیت پر لور د ګروهنې په رامنځته کېدو کې رول لرلی شي، او دا ټول عوامل یوازې د دیني هویټ په باب نشي تحلیل کیدلی.
هغه ویلي: « آسټریلیائی مسلمانان لا هم له توپير ، لفظي سپکاوي او دښمنۍ سره مخ دي، په ځانګړې توګه هغه ښځې چې دیني او هویتی لباس اغوندي.
هغه د جوماتونو او اسلامي بنسټونو پر ضد د ورانکارۍ او ګواښونو راپورونو ته اشاره وکړه او وې ویل: «دا تجربې د ډېرو اسټرالیاوالو لپاره یو مستند واقعیت دی.» هغه زیاته کړې چې د دغو ستونزو له پامه غورځول د لا زیاتې ټولنیزې څنډې کیدا خطره رامنځته کوي.
آفتاب ملک د بیان د آزادۍ پر اهمیت ټینګار وکړ، خو وې ویل چې عامه شخصیتونه د خپلو خبرو د اغېزو په اړه هم مسؤلیت لري، په ځانګړي ډول هغه وخت چې د اقلیتونو پر ټولنو اغېز ې شیندي.
هغه د عامه شخصیتونو او مسلمانو ټولنو ترمینځ د لا زیاتو اړیکو غوښتنه وکړه، چې پکې د جوماتونو لیدنه او له عادي اسټرالیاوالو سره خبرې اترې شاملې دي. د ده په باور، دا ډول اړیکې ناسم تصورات او غلط فهمۍ له منځه وړلی شي.
ملک وویل: «د اسټرالیا اصلي ننګونه دا نه ده چې ایا د افراطیت او ملي امنیت په اړه بحث کولی شي که نه؛ بلکې دا ده چې ایا دا بحثونه د یوې ټولې دینی ټولنې له عمومي کولو پرته ترسره کیدلی شي که نه.
https://iqna.ir/fa/news/4359526
