د شهید رهبر د جنازې په مراسمو کې د ۱۵ میلیونه کسانو د ګډون اټکل کیږي
د ایکنا د راپور له مخې، د خراسان رضوي ولایت د مشهد ولسوال سید حسن حسینی د مشهد ولسوالۍ د اداري شورا په وروستئ غونډې کې د ایران د ملت او د وسلهوالو ځواکونو د مبارزانو بېساري مېړانې ته په اشارې سره وویل؛ په یوه اروپایي هېواد کې په جوړ شوي کنفرانس کې ګډونوال د ایران د ملت له ستر کار څخه ډېر خوښ وو. اوس امریکا هم له ماتې وروسته اړ شوې چې د خبرو اترو غوښتنه وکړي.
حسینی زیاته کړې؛د اسلامی انقلاب معظم رهبر په ډېر هوښیارانه ډول چارې مخته یووړې او د مذاکراتو اجازت ئې صادره کړ.
د مشهد ولسوال وویل: «مونږ د شهید رهبر د جنازې د سترې او تاریخي پېښې په درشل کې یو. د ایران د ډېرو مهمو تاریخي، سیاسي او فرهنګي پېښو سرچینه د مشهد ښار پاتې شوی دی. دا پېښه هم د مشهد په تاریخ کې یو مهم بدلون دی او ټول باید مرسته وکړو چې مراسم په تر ټولو غوره بڼه ترسره شي.»
هغه زیاته کړه: «له نېکه مرغه مشهد ډېر ظرفیتونه لري او باید د دغو مراسمو د زائرینو او مېلمنو ښه کوربهتوب وکړو. دا مېلمانه د مشهد ښار لپاره ډېر برکتونه لري او همدا اوس د ښار د هوټلونو ۸۰ سلنه ظرفیت ډک شوی دی.
حسینی دوام ورکړ: «د شهید رهبر د جنازې شتون د مشهد لپاره یوه ډېره تاریخي پېښه ده. مونږ به د جنازې لاره په مناسب ډول سمبال کړو او زمونږ اټکل دا دی چې ۱۵ میلیونه کسان به په دغو مراسمو کې ګډون وکړي. ټول باید د سپاه ولي امر او سپاه امام رضا(ع) سره مرسته وکړو څو مراسم په ښه ډول ترسره شي. ولسوالي د مراسمو ملاتړې ده او د خلکو د مېلمه پالنې لپاره مو ډېر امکانات او توکي چمتو کړي دي.»
نوموړي وویل: «د زایارتوالو د هستوګنې لپاره مو د ۱.۵ میلیونه کسانو لپاره د اوسېدو ځایونه برابر کړي او د دې شمېر د زیاتولو لپاره هم چمتووالی لرو. اټکل کېږي چې د جنازې مراسمو زائرین او مېلمانه به تر یوې اوونۍ پورې په ښار کې پاتې شي. تر اوسه مو په مشهد کې د دومره لوی شمېر خلکو شتون نه دی تجربه کړی، نو باید له هر ډول غافلګیرۍ څخه ځان وساتو.
https://iqna.ir/fa/news/4359860
