قاہرہ کی مسجد "امام حسین(ع)" میں حفظ قرآن کریم کی کلاسوں کا انعقاد
بین الاقوامی گروپ : مصری دارالحکومت میں واقع مسجد " امام حسین(ع) " کی انتظامیہ نے مسجد میں حفظ قرآن کے حوالے سے تعلیمی کلاسیں منعقد کرنے کی اطلاع دی ہے ۔
ایران کی قرآنی خبر رساں ایجنسی (ایکنا) نے اطلاع رساں ویب سائیٹ " صدی البلد " کے حوالے سے نقل کرتے ہوئے کہاہے کہ گزشتہ روز شیخ الازہر کے نائب اور مسجد انتظامیہ کے صدر " عباس شومان " نے اعلان کیا : ان کلاسوں کا مقصد حفظ قرآن کے خواہشمند طلبا اور شہریوں کو مطلوبہ سہولیات مہیا کرنا ہے ۔
مسجد انتظامیہ نے مصر کے وزیر اوقاف سے بھی مسجد کی لائبریری کو حسب سابق مرتب کرنے اور یہاں سے منتقل کیے گئے آثار قدیمہ بالخصوص "مصحف عثمان " کو واپس لانے کی اپیل کی ہے ۔
اس حوالے سے منعقدہ نشست کے دوران مسجد میں جامعہ الازہر کے علما کی جانب سے "اسلامی تصوف " کی تعلیم و تدریس کا جائزہ بھی لیا گیا ہے ۔
1370366
نظرات بینندگان
