موریطانیہ میں "السننکی قوم اور تبلیغ اسلام " کے عنوان سے بین الاقوامی کانفرنس کا آغاز

بین الاقوامی گروپ : گزشتہ روز ۲۰ فروری سے موریطانیہ کے دارالحکومت "نواکشوط" میں "السننکی قوم اور تبلیغ اسلام" کے عنوان سے بین الاقوامی کانفرنس کا آغاز کیا گیا ہے ۔

ایران  کی  قرآنی  خبر  رساں  ایجنسی (ایکنا)  نے اطلاع رساں ویب سائیٹ  " fr.alakhbar "  کے حوالے سے نقل کرتے ہوئے کہاہے کہ کانفرنس  کے  آگنائزر  "شیخ  سید  تاندیان"  نے  کانفرنس  کا  افتتاح  کرتے  ہوئے  کہا  :  اس  کانفرنس  کا  ہدف  السننکی  قوم  کی  تہذیب  و  تمدن  کا  احیا  کرنا  اور طول  تاریخ  کے  دوران اسلام  کی  تبلیغ  و  ترویج   میں  اس  قوم  کے کردار  کو  نمایاں  کرنا  ہے  ۔
یہ  کانفرنس  آج اختتام  پزیر  ہوگی  جبکہ  کانفرنس  کے  شرکا  قوم  السننکی  کی  موریطانیہ  اور  جمہوریہ  مالی  میں  آ‏مد ،  ان  کا  اسلام  قبول  کرنا  اور  اس  دین  الہی  کی  ترویج  و  تبلیغ  میں  ان  کی  کوششوں  کا  جائزہ  لیں  گے  ۔
واضح رہے کہ  اس  قوم  کا  شمار  افریقا  کی  قدیمی  ترین  قوموں  میں  ہوتا  ہے اور  اس  وقت یہ  لوگ موریطانیہ  ،  مالی  اور  سینیگال  میں  زندگی  بسر کررہے  ہیں  ۔
1377747