تاجکستان میں قرآنی سرگرمیوں کے لیے ایران سے امداد کی اپیل
بین الاقوامی گروپ : تاجکستان کے دارالحکومت دوشنبہ کے علاقے "قشلاق نیکان" کے خطیب جمعہ "داملا شمس الدین" نے ایرانی قونصلر جنرل کے ساتھ ملاقات کے دوران تاجکستان میں قرآنی سرگرمیوں کی ترویج کے لیے ایران کی جانب سے مزید امداد کی اپیل کی ہے ۔
ایران کی قرآنی خبر رساں ایجنسی (ایکنا) کے شعبہ مرکزی ایشیا کی رپورٹ کے مطابق ایرانی قونصلیٹ میں ہونے والی اس ملاقات کے دوران داملا شمس الدین نے قشلاق نیکان کے علاقے میں جاری قرآنی سرگرمیوں کے حوالے سے ایک رپورٹ پیش کی ہے ۔
ایرنی قونصلر جنرل "صنعتی" نے علاقے میں قرآنی معارف کی نشر و اشاعت کے لیے داملا شمس الدین کی کوششوں کی قدردانی کرتے ہوئے کہا : قرآن ایک ایسی کتاب ہے جو عصر حاضر میں انسان کے بنیادی سوالوں کا جواب دینے پر قادر ہے اور ہم کو قرآن اور انسان کے درمیان روحانی ارتباط برقرار کرنے کے لیے ہر ممکن کوشش کرنی چاہیئے ۔
1378188
نظرات بینندگان
